കുവൈത്തിൽ കൊവിഡ് മരണനിരക്ക് ആയിരം കടന്നു; ഇന്ന് രോഗം സ്ഥിരീകരിച്ചത് 798 രോഗികൾക്ക്

കുവൈത്ത്‌ സിറ്റി: കുവൈറ്റിൽ കൊവിഡ്-19 രോഗ ബാധിതരുടെ എണ്ണത്തിൽ മുൻ ദിവസത്തേക്കാൾ കുറവ് രേഖപ്പെടുത്തി. ഇന്ന് നടത്തിയ 7,514 പരിശോധനകളിൽ നിന്ന് രോഗം സ്ഥിരീകരിച്ചത് 798 പേർക്കാണ്. ഇത് ഉൾപ്പെടെ കുവൈത്തിൽ കൊവിഡ്-19 രോഗികളുടെ എണ്ണം 177,701 ആയി. ഇതിൽ 133 രോഗികളുടെ നില ഗുരുതരമാണ്. ഇന്ന് 5 കൊവിഡ് മരണങ്ങൾ റിപോർട്ട് ചെയ്തു. ഇതോടെ ആകെ മരിച്ചവരുടെ എണ്ണം 1003 ആയി. രാജ്യത്ത്‌ രോഗ വിമുക്തി നേടിയവരുടെ എണ്ണം 166,019 ആയി. 10,679 പേരാണ് നിലവിൽ ചികിൽസയിലുള്ളത്.