കുവൈത്തിൽ കൊവിഡ് മരണം 500 കവിഞ്ഞു
ഇന്ന് 616 പേരാണ് രോഗ മുക്തരായത്‌.
16 Aug 2020 1:18 PM GMT
കുവൈത്ത്‌ സിറ്റി: കുവൈത്തിൽ കൊറോണ വൈറസ്‌ രോഗബാധയെ തുടർന്ന് ഇന്ന് 3 പേർ മരണമടഞ്ഞു. ഇതോടെ രാജ്യത്ത്‌ കൊറോണ വൈറസ്‌ ബാധയെ തുടർന്ന് മരണമടഞ്ഞവരുടെ എണ്ണം 501 ആയി. 508 പേർക്കാണു ഇന്നു രോഗ ബാധ സ്ഥിരീകരിച്ചത്‌. ഇതുവരെ ആകെ കൊറോണ വൈറസ്‌ ബാധയേറ്റവരുടെ എണ്ണം 76205ആയി.
ഇന്ന് 616 പേരാണ് രോഗ മുക്തരായത്‌. ഇതോടെ ആകെ രോഗം സുഖമായവരുടെ എണ്ണം 68135 ആയി. ആകെ 7569 പേരാണു ഇപ്പോൾ ചികിൽസയിൽ കഴിയുന്നത്‌. ഇവരിൽ 117 പേർ തീവ്ര പരിചരണ വിഭാഗത്തിൽ കഴിയുന്നവരുമാണ്. കഴിഞ്ഞ 24 മണിക്കൂറിനിടയിൽ 2863 പേർക്കാണ് കൊറോണ വൈറസ്‌ പരിശോധന നടത്തിയത്‌. ഇതോടെ ആകെ പരിശോധന നടത്തിയവരുടെ എണ്ണം 558800 ആയി.
Next Story
