ഫുട്‌ബോള്‍ പ്രേമികള്‍ക്ക് ആവേശം പകര്‍ന്ന് സിഫ സൂപ്പര്‍ കപ്പ് 2020 അവസാനിച്ചു

ദമ്മാം: കൊവിഡ് കാല നിയന്ത്രണങ്ങള്‍ക്ക് ശേഷം കാല്‍പ്പന്ത് മൈതാനങ്ങളെ സജീവമാക്കി മൂന്നാഴ്ചക്കാലം നീണ്ടുനിന്ന സിഫ സൂപ്പര്‍ കപ്പ് 2020ന് വര്‍ണാഭമായ ചടങ്ങോടെ പരിസമാപ്തി. സൈഹാത് അല്‍ റയ്യാന്‍ സ്റ്റേഡിയത്തില്‍ ഫുട്‌ബോള്‍ പ്രേമികളുടെ ആര്‍പ്പുവിളികളോടെ ആവേശം വാനോളമുയര്‍ത്തി ഫൈനല്‍ മത്സരത്തില്‍ ജംസ് യുനൈറ്റഡ് ജുബൈലും, റൈഡേഴ്സ് എഫ്സി അനക്കും തമ്മിലായിരുന്നു കലാശക്കൊട്ട് പോരാട്ടം. എതിരില്ലാത്ത ഒരു ഗോളിന് ജംസ് യുനൈറ്റഡ് ജുബൈല്‍ റൈഡേഴ്സ് എഫ്സി അനക്കിനെ തോല്‍പിച്ചു. ടൂര്‍ണമെന്റിലെ മികച്ച പ്രകടനം കാഴ്ചവച്ചവര്‍ക്കുള്ള ട്രോഫികള്‍ മികച്ച ഗോള്‍ കീപ്പര്‍ റൈഡേഴ്സ് എഫ്സിയിലെ അനസ്, മികച്ച സ്റ്റോപ്പര്‍, അജിന്‍ ജോസഫ് ജംസ് യുണൈറ്റഡ് മികച്ച കളിക്കാരന്‍ ഷാമില്‍ ജംസ് യുണൈറ്റഡ് ടോപ് സ്‌കോറര്‍, ജബ്ബാര്‍ അല്‍ ദഫാറ എഫ്സി ദമ്മാം എന്നിവര്‍ കരസ്ഥമാക്കി. ടൂര്‍ണമെന്റിലെ ജേതാക്കള്‍ക്കുള്ള കാഷ് പ്രൈസ് 2222 റിയാല്‍ ദമ്മാമിലെ പ്രമുഖ ട്രാവല്‍സ് ഗ്രൂപ്പായ ഫ്‌ളൈ സെഡാണ് സ്‌പോണ്‍സര്‍ ചെയ്തത്. ജേതാക്കള്‍ക്കുള്ള വിന്നേഴ്‌സ് ട്രോഫി ദമ്മാമിലെ പ്രമുഖ ട്രേഡിങ് കമ്പനി റയ്യാന്‍ ഗ്രൂപ്പും ഒലിവ് സൂപര്‍മാര്‍ക്കറ്റുമാണ് സമ്മാനിച്ചത്.

രണ്ടാം സ്ഥാനക്കാര്‍ക്കുള്ള റണ്ണേഴ്സ് കാഷ് പ്രൈസ് 1111 റിയാല്‍ ദമ്മാമിലെ റെസ്റ്റോറന്റ് ഗ്രൂപ്പായ റെഡ് ടേബിള്‍ സമ്മാനിച്ചു. റണ്ണേഴ്സ് ട്രോഫി ഉസ്താദ് ഹോട്ടല്‍ സൈഹാതാണ് സമ്മാനിച്ചത്. ഫൈസല്‍ അല്‍ ഖാലിദി, ഖാലിദ് അല്‍ ഖാലിദി. സിഹാസ് ബിന്‍ അബ്ദുസ്സമദ് എന്നിവര്‍ മത്സരം നിയന്ത്രിച്ചു. സമാപന ചടങ്ങ് സൗദിയിലെ എസ് ബി സി ചാനല്‍ പ്രതിനിധിയും മുന്‍ സൗദി ക്ലബ്ബായ ഇത്തിഫാഖിന്റെ ചെയര്‍മാനുമായ അബ്ദുല്ലമിസ്‌നദ് ഉദ്ഘാടനം ചെയ്തു.സിഫ പ്രസിഡന്റ് അനീസ് ബാബു കോഡൂര്‍ അധ്യക്ഷത വഹിച്ചു. ദമ്മാം മീഡിയ ഫോറം പ്രസിഡന്റ് സാജിദ് ആറാട്ടുപുഴ, കിഴക്കന്‍ പ്രവിശ്യയിലെ അറിയപ്പെടുന്ന സാമൂഹിക-ജീവകാരുണ്യ പ്രവര്‍ത്തകന്‍ സലാം ജാം ജൂം, ബിനാന്‍ കണ്ണൂര്‍, മുജീബ് പി, സി എഫ് സജാസ്(പ്രവാസി സാംസ്‌കാരിക വേദി), അഹ്‌മദ് കുട്ടി(കെഎംസിസി), രാജേന്ദ്രന്‍(ബാഡ് മിന്റണ്‍ ക്ലബ് സൈഹാത്ത്), മുഷ്താഖ് പെങ്ങൊട്, ആമേന്‍ തിരുവനന്തപുരം തുടങ്ങിയവര്‍ മുഖ്യാഥിതികളായിരുന്നു. റിഷാദ് ഒ വി, അഹമ്മദ് കാടപ്പടി, നാസര്‍ എടവണ്ണ, അബ്ദുന്നാസിര്‍, മുനീര്‍ സിസി മഞ്ചേരി, മൊയ്തീന്‍ മഞ്ചേരി ടൂര്‍ണമെന്റ് നിയന്ത്രിച്ചു.

SIFA super cup football tournament finished