മലപ്പുറം വണ്ടൂര്‍ സ്വദേശി ജിദ്ദയില്‍ വാഹനാപകടത്തില്‍ മരിച്ചു

ജിദ്ദ: മലപ്പുറം വണ്ടൂര്‍ സ്വദേശി ജിദ്ദയില്‍ വാഹനാപകടത്തില്‍ മരിച്ചു. കബീര്‍ കാരാനി (47)യാണ് മരിച്ചത്. മദീനയിലേക്കുള്ള യാത്രയില്‍ ജിദ്ദയില്‍നിന്ന് 70 കിലോമീറ്റര്‍ പിന്നിട്ടപ്പോഴാണ് അപകടമുണ്ടായത്. ഇന്ന് രാവിലെയായിരുന്നു അപകടം. പിന്നില്‍ വന്ന വാഹനമിടിച്ചതിന്റെ ആഘാതത്തില്‍ ഇദ്ദേഹം സഞ്ചരിച്ച വാഹനം മറിഞ്ഞായിരുന്നു അപകടം. സംഭവം നടന്ന സ്ഥലത്തുവച്ചുതന്നെ കബീര്‍ മരണപ്പെടുകയായിരുന്നു.

വാഹനത്തിലുണ്ടായിരുന്ന സഹപ്രവര്‍ത്തകരായ രണ്ടുപേര്‍ നിസാരപരിക്കുകളോടെ രക്ഷപെട്ടു. മരണപ്പെട്ട കബീറിന്റെ മൃതദേഹം ഖുലൈസ് ജനറല്‍ ആശുപത്രിയില്‍ സൂക്ഷിച്ചിരിക്കുകയാണ്. സൗദിയില്‍തന്നെ ഖബറടക്കം നടത്താനുള്ള നടപടിക്രമങ്ങള്‍ ഖുലൈസ് കെഎംസിസി പ്രവര്‍ത്തകരുടെ നേതൃത്വത്തില്‍ നടന്നുവരുന്നു.