കുവൈത്തില്‍ ചെറുവത്തൂര്‍ സ്വദേശി കുഴഞ്ഞുവീണ് മരിച്ചു
കാസര്‍ഗോഡ് തൃക്കരിപ്പൂര്‍ ചെറുവത്തൂര്‍ തുരുത്തി സ്വദേശി തൈലകണ്ടി പുരയില്‍ റാഷിദ് (40) ആണ് അമീരി ആശുപത്രിയില്‍ മരിച്ചത്.
31 May 2020 12:49 AM GMT
കുവൈത്ത് സിറ്റി: കുവൈത്തില്‍ മലയാളി യുവാവ് കുഴഞ്ഞുവീണ് മരിച്ചു. കാസര്‍ഗോഡ് തൃക്കരിപ്പൂര്‍ ചെറുവത്തൂര്‍ തുരുത്തി സ്വദേശി തൈലകണ്ടി പുരയില്‍ റാഷിദ് (40) ആണ് അമീരി ആശുപത്രിയില്‍ മരിച്ചത്. സമ്പൂര്‍ണ കര്‍ഫ്യൂ മൂലം അടച്ചിട്ടിരുന്ന ഇദ്ദേഹത്തിന്റെ ഉടമസ്ഥതയിലുള്ള റെസ്റ്റോറന്റില്‍ ശുചീകരണപ്രവൃത്തികള്‍ നടത്താനെത്തിയ ഇദ്ദേഹം ഇവിടെ കുഴഞ്ഞുവീഴുകയായിരുന്നു. ഇതെത്തുടര്‍ന്ന് ഉടന്‍തന്നെ അമീരി ആശുപത്രിയിലെത്തിച്ചെങ്കിലും മരണപ്പെടുകയായിരുന്നു. ഹൃദയാഘാതം മൂലമാണ് മരണം സംഭവിച്ചതെന്നാണ് പ്രാഥമികനിഗമനം.
Next Story
