കുവൈത്തില്‍ കൊവിഡ് നിരീക്ഷണത്തിലായിരുന്ന മലയാളി യുവാവ് ഹൃദയാഘാതത്തെത്തുടര്‍ന്ന് മരിച്ചു

കുവൈത്ത് സിറ്റി: കുവൈത്തില്‍ കൊവിഡ് രോഗലക്ഷണങ്ങളെത്തുടര്‍ന്ന് ക്വാറന്റൈനില്‍ കഴിയുകയായിരുന്ന മലയാളി യുവാവ് ഹൃദയാഘാതത്തെ തുടര്‍ന്ന് മരിച്ചു. മലപ്പുറം കോട്ടയ്ക്കല്‍ കുറ്റിപ്പുറം ചെനപ്പുറം സ്വദേശി നമ്പിയാടത്ത് അമീര്‍ ബാബുവാണു (32) ഇന്ന് ജഹറയിലെ താമസ സ്ഥലത്ത് ഹൃദയാഘാതംമൂലം മരിച്ചത്.

ജഹറയിലെ സ്വകാര്യ ക്ലിനിക്ക് ജീവനക്കാരനായ ഇദ്ദേഹം കൊവിഡ് രോഗലക്ഷണങ്ങളെ തുടര്‍ന്ന് താമസ സ്ഥലത്ത് ക്വാറന്റൈനില്‍ കഴിയുകയായിരുന്നു. പിതാവ് അബ്ദുറഹ്മാന്‍. മാതാവ് ബദറുന്നിസ. ഭാര്യ ഷബ്‌ന. മകള്‍ അഷ്ര. സഹോദരങ്ങള്‍: അമീര്‍ ബാബു, ഷമീന ബാനു. കെകെഎംഎയുടെ ജഹറ ശാഖ അംഗമാണ് പരേതന്‍.