ആമസോണ് സ്ഥാപകന് ജെഫ് ബെസോസ് സിഇഒ സ്ഥാനമൊഴിയുന്നു
ആമസോണ് വെബ് സര്വീസിന്റെ ചുമതലയിലുള്ള ആന്ഡി ജാസി ആണ് കമ്പനിയുടെ പുതിയ സിഇഒ ആവുക. 27 വര്ഷം മുമ്പാണ് ജെഫ് ബെസോസ് ആമസോണിന് തുടക്കം കുറിച്ചത്.
ന്യൂയോര്ക്ക്: ആമസോണ് സ്ഥാപകന് ജെഫ് ബെസോസ് സിഇഒ സ്ഥാനമൊഴിയുന്നു. ഈ സാമ്പത്തിക വര്ഷത്തിന്റെ മൂന്നാം പാദത്തില് ജെഫ് ബെസോസ് എക്സിക്യൂട്ടീവ് ചെയര്മാന് സ്ഥാനമേറ്റെടുക്കുമെന്ന് ആമസോണ് ഡോട്ട് കോം അറിയിച്ചു. ആമസോണ് വെബ് സര്വീസിന്റെ ചുമതലയിലുള്ള ആന്ഡി ജാസി ആണ് കമ്പനിയുടെ പുതിയ സിഇഒ ആവുക. 27 വര്ഷം മുമ്പാണ് ജെഫ് ബെസോസ് ആമസോണിന് തുടക്കം കുറിച്ചത്.
1995ല് കമ്പനി സ്ഥാപിച്ചത് മുതല് ബെസോസ് ആണ് സിഇഒ സ്ഥാനത്ത് പ്രവര്ത്തിച്ചിരുന്നത്. തുടര്ച്ചയായി മൂന്ന് പാദങ്ങളില് ലാഭം കൈവരിക്കുകയും വില്പനയില് റെക്കോര്ഡിടുകയും ചെയ്തതിന് തൊട്ടുപിന്നാലെയാണ് സിഇഒ സ്ഥാനമൊഴിയാനുള്ള ബെസോസിന്റെ തീരുമാനം.
സിഇഒ സ്ഥാനമൊഴിയുകയാണെന്നും ഇതൊരു വിരമിക്കലല്ലെന്നും എക്സിക്യൂട്ടീവ് ചെയര്മാന് എന്ന നിലയില് ആമസോണ് സംരംഭത്തിലുണ്ടാവുമെന്നും ജീവനക്കാര്ക്കായി വെബ്സൈറ്റില് പോസ്റ്റ് ചെയ്ത കുറിപ്പില് ബെസോസ് വ്യക്തമാക്കി. ഓണ്ലൈന് ഷോപ്പിങ്ങിലേയ്ക്ക് ഉപഭോക്താക്കള് തിരിഞ്ഞതോടെ ആമസോണിന്റെ അറ്റവില്പ്പന 125.56 ബില്യണ് ഡോളറായി ഉയര്ന്നതായാണ് കണക്കുകള്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
