ജിദ്ദ മീഡിയാ ഫോറം കുടുംബസംഗമം

ജിദ്ദ: ജിദ്ദ ഇന്ത്യന്‍ മീഡിയ ഫോറം ജിംഫെസ്റ്റ് 2020 എന്ന പേരില്‍ വാര്‍ഷിക കുടുംബസംഗമം സംഘടിപ്പിച്ചു. മീഡിയാ ഫോറത്തിലെ മുഴുവന്‍ അംഗങ്ങളും അവരുടെ കുടുംബാഗങ്ങളും ഒത്തുചേര്‍ന്ന പരിപാടിയോടനുബന്ധിച്ച് സംഗീതവിരുന്നും അരങ്ങേറി. ജിദ്ദ നാഷനല്‍ ഹോസ്പിറ്റല്‍ ഡയറക്ടര്‍ മുഹമ്മദ് നവീദ് കുടുംബസംഗമം ഉദ്ഘാടനം ചെയ്തു. പ്രസിഡന്റ് പി ഷംസുദ്ദീന്‍ അധ്യക്ഷത വഹിച്ചു. അഷ്‌റഫ് പട്ടത്തില്‍, വി പി ഷിയാസ് എന്നിവര്‍ ആശംസകളര്‍പ്പിച്ചു. ഷാഷിം കോഴിക്കോടിനെ ആക്ടിങ് പ്രസിഡന്റായി തിരഞ്ഞെടുത്തു. ജനറല്‍ സെക്രട്ടറി കബീര്‍ കൊണ്ടോട്ടി, ട്രഷറര്‍ ബിജുരാജ് രാമന്തളി സംസാരിച്ചു. നാട്ടിലേക്ക് മടങ്ങുന്ന പി ഷംസുദ്ദീന് ചടങ്ങില്‍ യാത്രയയപ്പ് നല്‍കി.

മീഡിയാ ഫോറത്തിന്റെ ഉപഹാരം അദ്ദേഹത്തിന് നല്‍കി. ജിദ്ദ നാഷനല്‍ ഹോസ്പിറ്റലിന്റെ ഉപഹാരം മുഹമ്മദ് നവീദ് സമ്മാനിച്ചു. ഹാഷിം കോഴിക്കോട് ഹസന്‍ ചെറൂപ്പ, ജാഫറലി പാലക്കോട്, അഫ്താബ് റഹ്മാന്‍, കെ ടി എ മുനീര്‍, സുല്‍ഫിക്കര്‍ ഒതായി, സാദിഖലി തുവൂര്‍, മുസ്തഫ പെരുവള്ളൂര്‍, ബിജുരാജ് രമാന്തളി, ഗഫൂര്‍ കൊണ്ടോട്ടി, പി കെ സിറാജ്, മന്‍സൂര്‍ എടക്കര തുടങ്ങിയവര്‍ സംസാരിച്ചു. സംഗീതവിരുന്നിന് സാദിഖലി തുവൂര്‍ നേതൃത്വം നല്‍കി. റിമ വട്ടപ്പറമ്പന്‍, മാനവ് ബിജു, സഫ് വ, ഖദീജ സഫ്രീന, അന്‍സല്‍, അമല്‍ എന്നിവര്‍ വിവിധ കലാപരിപാടികള്‍ അവതരിപ്പിച്ചു.