കേന്ദ്ര പെട്രോളിയം മന്ത്രി ഇന്ന് സൗദിയിലെത്തുന്നു
കേന്ദ്ര പെട്രോളിയം മന്ത്രി ധര്മ്മേന്ദ്ര പ്രധാന് ആറ് ദിവസത്തെ ഗള്ഫ് സന്ദര്ശനത്തിനായി ഇന്ന് സൗദിയിലെത്തുന്നു.
ദുബയ്: കേന്ദ്ര പെട്രോളിയം മന്ത്രി ധര്മ്മേന്ദ്ര പ്രധാന് ആറ് ദിവസത്തെ ഗള്ഫ് സന്ദര്ശനത്തിനായി ഇന്ന് സൗദിയിലെത്തുന്നു. സൗദി അറേബ്യ, യുഎഇ, ഖത്തര് എന്നീ രാജ്യങ്ങളിലാണ് മന്ത്രി സന്ദര്ശിക്കുന്നത്. പെട്രോളിയം മന്ത്രാലയത്തിലെ ഉന്നത ഉദ്യോഗസ്ഥരും പ്രമുഖ വ്യാപാരികളും മന്ത്രിയെ അനുഗമിക്കുന്നുണ്ട്. ചൊവ്വാഴ്ച അബുദബിയില് നടക്കുന്ന എട്ടാമത് എഷ്യന് മിനിസ്റ്റീരിയല് എനര്ജി റൗണ്ട്ടേബിള് (ആമര്) മന്ത്രിയും സംഘവും പങ്കെടുക്കും. സൗദി ഊര്ജ്ജ മന്ത്രി ഖാലിദ് അല് ഫാലിഹുമായും സൗദി ആരംകോ കമ്പനിയിലെ ഉന്നത ഉദ്യോഗസ്ഥരുമായും മന്ത്രി കൂടിക്കാഴ്ച നടത്തും. ഇരു രാജ്യങ്ങളുമായി സഹകരണം കൂടുതല് മെച്ചപ്പെടുത്തുന്നതിനെ കുറിച്ചായിരിക്കും ചര്ച്ച നടത്തുക. സൗദി അറേബ്യ ഇന്ത്യയിലെ പെട്രോകെമിക്കല് രംഗത്ത് കൂടുതല് നിക്ഷേപം നടത്തുന്നതിനെ കുറിച്ചും ചര്ച്ച ചെയ്യും. യുഎഇ പെട്രോളിയം മന്ത്രി സുഹൈല് മുഹമ്മദ് ഫറാജുമായും അബുദാബി നാഷണല് ഓയില് കമ്പനി (അഡ്നോക്) സിഇഒ സുല്ത്താന് അഹമ്മദ് അല് ജാബറുമായും മന്ത്രി കൂടിക്കാഴ്ച നടത്തും. ഖത്തര് ഊര്ജ്ജ മന്ത്രി സാദ് ഷരീദ അല് കഅബിയുമായും മന്ത്രി ചര്ച്ച നടത്തും. 2021 ലെ ആമറിന് ആതിഥ്യം വഹിക്കുന്നത് ഇന്ത്യയാണ്.
RELATED STORIES
ഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT