ഗോഡൗണില്‍ അഗ്‌നിബാധ; തൊടുപുഴ സ്വദേശി റിയാദില്‍ മരിച്ചു
തൊടുപുഴ മുട്ടം മ്രാല സ്വദേശി പൊട്ടേങ്ങല്‍ അബ്ദുസ്സലാം (49) ആണ് മരിച്ചത്. ഗുരുതരമായി പരിക്കേറ്റ ഈജിപ്തുകാരനായ അഹമ്മദിനെ ആശുപത്രിയില്‍ പ്രവേശിപ്പിച്ചു. നൗഫ ഓഡിറ്റോറിയത്തിന് സമീപം ഈത്തപ്പഴ കമ്പനിയുടെ ഗോഡൗണിലാണ് തീപ്പിടിത്തമുണ്ടായത്.
റിയാദ്: എക്‌സിറ്റ് 18ലെ ഗോഡൗണിലുണ്ടായ തീപ്പിടിത്തത്തില്‍ തൊടുപുഴ സ്വദേശി മരിച്ചു. തൊടുപുഴ മുട്ടം മ്രാല സ്വദേശി പൊട്ടേങ്ങല്‍ അബ്ദുസ്സലാം (49) ആണ് മരിച്ചത്. ഗുരുതരമായി പരിക്കേറ്റ ഈജിപ്തുകാരനായ അഹമ്മദിനെ ആശുപത്രിയില്‍ പ്രവേശിപ്പിച്ചു. നൗഫ ഓഡിറ്റോറിയത്തിന് സമീപം ഈത്തപ്പഴ കമ്പനിയുടെ ഗോഡൗണിലാണ് തീപ്പിടിത്തമുണ്ടായത്. ഗോഡൗണിന്റെ മുന്‍ഭാഗത്താണ് ആദ്യം തീ പടര്‍ന്നത്. ഈ സമയം അബ്ദുസ്സലാമും അഹമ്മദും മാത്രമാണുണ്ടായിരുന്നത്. പ്രധാന വാതിലിന്റെ ഭാഗത്ത് തീ ആളിക്കത്തുന്നതിനാല്‍ ഇരുവര്‍ക്കും രക്ഷപ്പെടാനായില്ല.
അതിനിടെ, പുറത്തുകടക്കാന്‍ ശ്രമിക്കുന്നതിനിടെ സാരമായി പൊള്ളലേറ്റ അഹമ്മദിനെ ഉടന്‍ ആശുപത്രിയിലെത്തിക്കുകയായിരുന്നു. അരമണിക്കൂറിനകം സിവില്‍ ഡിഫന്‍സ് സ്ഥലത്തെത്തി തീ അണച്ചെങ്കിലും അപ്പോഴേക്കും കനത്ത പുകയില്‍ ശ്വാസംമുട്ടി അബ്ദുസ്സലാം മരിച്ചിരുന്നു. 12 വര്‍ഷമായി കമ്പനിയിലെ ഡ്രൈവറായിരുന്നു. പിതാവ്: മുഹമ്മദ്. മാതാവ്: നബീസ. ഭാര്യ: സിജി. തുടങ്ങനാട് സെന്റ് തോമസ് സ്‌കൂളിലെ ഏഴാം ക്ലാസ് വിദ്യാര്‍ഥിയായ അക്ബര്‍ഷാ ഏക മകനാണ്. സഹോദരങ്ങള്‍: കുഞ്ഞുമുഹമ്മദ്, അഹമ്മദ്കുട്ടി, മൊയ്തീന്‍ കുട്ടി, അഷ്‌റഫ്, മുസ്തഫ, സൈനബ, സുബൈദ, റെയ്ഹാനത്ത്. ശുമൈസി മോര്‍ച്ചറിയിലുള്ള മൃതദേഹം റിയാദില്‍ ഖബറടക്കുന്നതിനുള്ള നടപടിക്രമങ്ങള്‍ മലപ്പുറം ജില്ലാ കെഎംസിസിയുടെ നേതൃത്വത്തില്‍ പൂര്‍ത്തിയാക്കിവരികയാണ്.
ഖത്തറില്‍ പുതിയ മന്ത്രിസഭ അധികാരമേറ്റു; ശെയ്ഖ് ഖാലിദ് പുതിയ പ്രധാനമന്ത്രി
28 Jan 2020 12:25 PM GMTവായില്‍ തുണി തിരുകി 19കാരിയെ ബലാല്‍സംഗം ചെയ്തു; 52കാരന്‍ പിടിയില്‍
28 Jan 2020 9:03 AM GMTആദ്യകാല ചലച്ചിത്രനടി ജമീല മാലിക് അന്തരിച്ചു
28 Jan 2020 4:26 AM GMT
