യുഎഇയില്‍ പെരുന്നാള്‍ അവധികള്‍ പ്രഖ്യാപിച്ചു

ദുബയ്: യുഎഇയിലെ പൊതുമേഖലാ ജീവനക്കാര്‍ക്ക് ഫെഡറല്‍ അതോറിറ്റി ഫോര്‍ ഗവണ്‍മെന്റ് ഹ്യൂമന്‍ റിസോഴ്‌സസ് ഈദുല്‍ ഫിതര്‍ അവധി പ്രഖ്യാപിച്ചു. ഇസ്‌ലാമിക് കലണ്ടര്‍ പ്രകാരം റമദാന്‍ 29 മുതല്‍ ശവ്വാല്‍ 3 വരെയാണ് അവധി. മാസപ്പിറവി ദര്‍ശനത്തിന്റെ അടിസ്ഥാനത്തിലായിരിക്കും അവധി പ്രാബല്യത്തില്‍ വരിക. 2019 ല്‍ സ്വകാര്യ, പൊതുമേഖലാ ജീവനക്കാര്‍ക്ക് യുഎഇ ഭരണകൂടം ഏകീകൃത പൊതുഅവധി നല്‍കിയിരുന്നു. സ്വകാര്യ മേഖലയ്ക്കുള്ള പ്രത്യേക പ്രഖ്യാപനം ഉടനുണ്ടാവും.