തെരുവില്‍ പണം വിതറിയ യുവാവ് ദുബയില്‍ പിടിയില്‍

ദുബയ്: സാമൂഹിക മാധ്യമങ്ങളില്‍ കൂടുതല്‍ പിന്തുണ ലഭിക്കാന്‍ വേണ്ടി ദുബയിലെ തെരുവില്‍ പണം വിതറി വീഡിയോ വഴി പ്രചരിച്ച എഷ്യക്കാരനെ ദുബയ് പോലീസ് പിടികൂടി. 30 വയസ്സായ ഈ യുവാവ് പ്രദര്‍ശിപ്പിച്ച വീഡിയ വൈറലായി പ്രചരിച്ചിരുന്നതായി ദുബയ് പോലീസിന്റെ സുരക്ഷാ മീഡിയാ വിഭാഗം ഡയറക്ടര്‍ കേണല്‍ ഫൈസല്‍ അല്‍ ഖാസിം അറിയിച്ചു. സോഷ്യല്‍ മീഡിയയില്‍ കൂടുതല്‍ ലൈക്കുകളും ഫോളേവേഴ്‌സിനെയും കിട്ടാന്‍ വേണ്ടിയാണ് യുവാവ് പണം വിതരണം നടത്തിയതെന്ന് പോലീസ് പറഞ്ഞു. സൈബര്‍ ക്രൈം പ്രകാരമാണ് അറസ്റ്റ് ചെയ്തത്.