ദക്ഷിണ കേരളയ്ക്കു കീഴില് പ്രവാസി കൂട്ടായ്മയുടെ ഏകീകൃത വേദി രൂപീകരിച്ചു
ജിദ്ദ: ദക്ഷിണ കേരള ജംഇയ്യത്തുല് ഉലമയ്ക്കു കീഴില് മാനവ നന്മ ലക്ഷ്യമാക്കി 'ദക്ഷിണ കേരളാ ഇസ്ലാമിക് കള്ച്ചറല് സെന്റര്(ഡികെഐസിസി) എന്ന പേരില് പ്രവാസി കൂട്ടായ്മയുടെ ഏകീകൃത വേദി രൂപീകരിച്ച് വിപുലമായ പ്രവര്ത്തനത്തിന് ഒരുങ്ങുന്നു. ഏഴു പതിറ്റാണ്ടായി തെക്കന് കേരളം ആസ്ഥാനമാക്കി സമുദായ നവോത്ഥാനം ലക്ഷ്യമാക്കി പ്രവര്ത്തിക്കുന്ന ദക്ഷിണ കേരള ജംഇയ്യത്തുല് ഉലമ ഉലമാക്കള്, ഉമറാക്കള്, യുവജനങ്ങള്, വിദ്യാര്ത്ഥികള് എന്നിവരെയെല്ലാം ഇഴചേര്ത്ത് കക്ഷിരാഷ്ട്രീയ വിഭാഗീയ ചിന്താഗതിക്കള്ക്കതീതമായി വ്യവസ്ഥാപിതമായി പ്രവര്ത്തിച്ചുവരികയാണെന്ന് ഭാരവാഹികള് ജിദ്ദയില് വാര്ത്താസമ്മേളനത്തില് പറഞ്ഞു. ഓരോ രാജ്യത്തും പ്രവാസികളായ അനുഭാവികള് കൂടിച്ചേര്ന്ന് കെഎംജെഎഫ്, കെഎംവൈഎഫ് എന്നതുള്പ്പെടെ വിവിധ പേരുകളിലും പ്രാദേശിക കൂട്ടായ്മകളായി പ്രവര്ത്തിച്ചുവരികയായിരുന്നു. ഇപ്പോള് അവരെയെല്ലാം ഒരു കുടക്കീഴില് അണിനിരത്തി മുഴുവന് സഹകാരികളെയും ഗുണകാംക്ഷികളെയും ചേര്ത്ത് ഡികെഐസിസി എന്ന പേരില് ഏകീകൃത വേദി രൂപീകരിച്ചിരിക്കുന്നത്. ഇനിമുതല് ഡികെഐസിസി ദക്ഷിണയുടെ പോഷക ഘടകമായി നിലകൊള്ളും. വാര്ത്താ സമ്മേളനത്തില് ദക്ഷിണ കേരളാ ജംഇയ്യത്തുല് ഉലമാ സംസ്ഥാന സെക്രട്ടറി സി എ മുസാ മൗലവി മുവാറ്റുപുഴ, ഷറഫുദ്ദീന് ബാഖവി ചുങ്കപ്പാറ, മനാഫ് മൗലവി അല് ബദ്രി, സൈദു മുഹമ്മദു മൗലവി അല് കാശിഫി കാഞ്ഞിരപ്പള്ളി, മസ്ഊദു മൗലവി ബാലരാമപുരം പങ്കെടുത്തു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
