കൊറോണ: കുവൈത്തില് അഞ്ചു മരണം കൂടി; 122 ഇന്ത്യക്കാര് ഉള്പ്പെടെ 662 പേര്ക്ക് പുതുതായി വൈറസ് ബാധ
കുവൈത്തില് കൊറോണ വൈറസ് ബാധയെ തുടര്ന്ന് മരണമടഞ്ഞവരുടെ എണ്ണം ഇതോടെ 269 ആയി.
കുവൈത്ത് സിറ്റി: കുവൈത്തില് കൊറോണ വൈറസ് രോഗത്തെ തുടര്ന്ന് 5 പേര് കൂടി മരിച്ചു. കൊറോണ വൈറസ് ബാധയെ തുടര്ന്ന് വിവിധ ആശുപത്രികളില് ചികില്സയിലായിരുന്നു ഇവര്. ഇന്ന് കോവിഡ് മരണം സ്ഥിരീകര്ക്കപ്പെട്ടവര് ഏത് രാജ്യക്കാരാണെന്ന് വ്യക്തമല്ല. രാജ്യത്ത് കൊറോണ വൈറസ് ബാധയെ തുടര്ന്ന് മരണമടഞ്ഞവരുടെ എണ്ണം ഇതോടെ 269 ആയി. 122 ഇന്ത്യക്കാര് ഉള്പ്പെടെ 662 പേര്ക്കാണു ഇന്നു പുതുതായി രോഗ ബാധ സ്ഥിരീകരിച്ചത്. ഇതടക്കം ആകെ കൊറോണ വൈറസ് ബാധയേറ്റവരുടെ എണ്ണം 32,510ആയി. ഇവരില് 9296 പേര് ഇന്ത്യക്കാരാണ്. ഇന്ന് രോഗ ബാധ സ്ഥിരീകരിക്കപ്പെട്ടവര് സമ്പര്ക്കം വഴിയും ഉറവിടം അന്വേഷണത്തിലുള്ള വിഭാഗത്തില് പെട്ടവരുമാണ്.
ഇന്ന് രോഗ ബാധിതരായവരുടെ ആരോഗ്യ മേഖല തിരിച്ചുള്ള കണക്കുകള് ഇപ്രകാരമാണു. ഫര്വ്വാനിയ 201, അഹമദി 188, ഹവല്ലി 98, കേപിറ്റല് 52, ജഹറ 133 രോഗ ബാധ സ്ഥിരീകരിക്കപ്പെട്ടവരുടെ താമസ കേന്ദ്രങ്ങള് അടിസ്ഥാനമാക്കിയുള്ള കണക്ക് പ്രകാരം ഫര്വ്വാനിയയില് നിന്നും 49പേരും ജിലീബില് നിന്ന് 39 പേര്ക്കും ഫിന്താസില് നിന്ന് 21പേര്ക്കും മഹബൂലയില് നിന്ന് 32 പേര്ക്കും ജാബര് അല് അഹമദില് നിന്ന് 19 പേര്ക്കുമാണു രോഗ ബാധ റിപ്പോര്ട്ട് ചെയ്യപ്പെട്ടത്.
ഇന്ന് രോഗബാധ സ്ഥിരീകരിക്കപ്പെട്ട മറ്റു രാജ്യക്കാരുടെ എണ്ണം ഇപ്രകാരമാണ്
സ്വദേശികള് 340, ഈജിപ്ത്കാര് 46,ബംഗ്ലാദേശികള് 36. മറ്റുള്ളവര് വിവിധ രാജ്യങളില് നിന്നുള്ളവരാണ്. ഇന്ന് 1037 പേരാണു രോഗ മുക്തി നേടിയത്. ഇതോടെ ആകെ രോഗം സുഖമായവരുടെ എണ്ണം 21242 ആയി. ആകെ 10,999പേരാണു ഇപ്പോള് ചികില്സയില് കഴിയുന്നത്. ഇവരില് 166 പേര് തീവ്ര പരിചരണ വിഭാഗത്തില് കഴിയുന്നവരാണെന്നും ആരോഗ്യ മന്ത്രാലയം വക്താവ് അബ്ദുല്ല അല് സനദ് വാര്ത്താ സമ്മേളനത്തില് അറിയിച്ചു.
RELATED STORIES
മണിപ്പൂര്; അമേരിക്കയുടെ റിപോര്ട്ട് ഇന്ത്യ തള്ളി
26 April 2024 10:34 AM GMTആലത്തൂരിലെ പാര്ട്ടി അനുഭാവികളുടെ വോട്ടുകള് ബിജെപി തൃശൂര്...
26 April 2024 10:33 AM GMTസംസ്ഥാനത്ത് പോളിങ് കുതിക്കുന്നു; 52.25 ശതമാനം പിന്നിട്ടു
26 April 2024 10:30 AM GMTകള്ളന്മാർക്ക് രക്ഷപ്പെടാൻ പഴുതുകളുള്ള ജനാധിപത്യം, ഇന്ത്യ അടുത്തൊന്നും...
26 April 2024 8:00 AM GMTമതേതര ഇന്ത്യയെ കാക്കാനും വർഗീയത എതിർക്കാനും ജനം എൽഡിഎഫിനൊപ്പം...
26 April 2024 7:58 AM GMTകോഴിക്കോട് യുവാവിന് കുത്തേറ്റു; ആക്രമണത്തിന് പിന്നില് ബിജെപിയെന്ന്...
26 April 2024 7:57 AM GMT