യുഎഇയില്‍ പുതിയ 241 പേര്‍ക്ക് കൂടി കോവിഡ്-19 ഒരു മരണവും

ദുബയ്: യുഎഇയില്‍ ഇന്ന് 241 പേര്‍ക്ക് കൂടി കോവിഡ്-19 രോഗ ബാധയേറ്റതായി യുഎഇ ആരോഗ്യ മന്ത്രാലയം വ്യക്തമാക്കി. ഇതോട് കൂടി രാജ്യത്ത് കൊറോണ വൈറസ് ബാധിച്ചവരുടെ എണ്ണം 1505 ആയി ഉയര്‍ന്നു. ഇന്ന് 53 വയസ്സായ അറബ് പൗരന്‍ കൂടി മരിച്ചതോടെ മരിച്ചവരുടെ എണ്ണം 10 ആയി. 17 പേര്‍ ഇന്ന് കൊറോണ വൈറസ് ബാധയില്‍ നിന്നും സുഖം പ്രാപിച്ചു. ഇതോടെ സുഖം പ്രാപിച്ച് സാധാരണ ജീവിതത്തിലേക്ക് മടങ്ങി വന്നവരുടെ എണ്ണം 125 ആയി.