വ്യാജ ഇമെയിലുകള് വഴി തൊഴില് തട്ടിപ്പ്; ഉദ്യോഗാര്ത്ഥികള്ക്ക് ഖത്തര് എയര്വേയ്സിന്റെ മുന്നറിയിപ്പ്
ഖത്തര് എയര്വേയ്സിന്റേതെന്ന പേരില് തൊഴില് വാഗ്ദാനം ചെയ്ത് വരുന്ന വ്യാജ ഇമെയിലുകളിലും പരസ്യങ്ങളിലും ജാഗ്രത പാലിക്കണമെന്നാണ് കമ്പനി അധികൃതര് വ്യക്തമാക്കുന്നത്.
ദോഹ: ഖത്തര് എയര്വേയ്സിന്റെ പേരില് വ്യാജ തൊഴില് വാഗ്ദാനങ്ങളില് ഉദ്യോഗാര്ത്ഥികള് വഞ്ചിതരാകരുതെന്ന മുന്നറിയിപ്പുമായി ഖത്തര് എയര്വേയ്സ്. ഖത്തര് എയര്വേയ്സിന്റേതെന്ന പേരില് തൊഴില് വാഗ്ദാനം ചെയ്ത് വരുന്ന വ്യാജ ഇമെയിലുകളിലും പരസ്യങ്ങളിലും ജാഗ്രത പാലിക്കണമെന്നാണ് കമ്പനി അധികൃതര് വ്യക്തമാക്കുന്നത്. അംഗീകാരമില്ലാതെ പ്രവര്ത്തിക്കുന്ന തൊഴില് ഏജന്സികള് വഴിയും വ്യാജ ഡൊമെയ്നുകളില് നിന്നുള്ള ഇമെയിലുകള് വഴിയും ജോലി വാഗ്ദാനം നല്കി തട്ടിപ്പ് നടന്നേക്കാമെന്നാണ് കമ്പനിയുടെ മുന്നറിയിപ്പ്.
ഇത്തരം വ്യാജ സംവിധാനങ്ങളിലൂടെ ഉദ്യോഗാര്ത്ഥികളുടെ വ്യക്തിഗത വിവരങ്ങള് കരസ്ഥമാക്കുകയും പണം തട്ടുന്നതായും ശ്രദ്ധയില്പ്പെട്ടതിനെ തുടര്ന്നാണ് ആഗോള അടിസ്ഥാനത്തില് തന്നെ ഇത്തരമൊരു മുന്നറിയിപ്പ് ഖത്തര് എയര്വേയ്സ് നല്കിയത്. qatarairways.com.qa അല്ലെങ്കില് qatarairways.com എന്നിവ മുഖേന മാത്രമാണ് ഖത്തര് എയര്വേയ്സിന്റെ തൊഴില് സംബന്ധിമായ മെയിലുകളും അറിയിപ്പുകളും എത്തുകയുള്ളുവെന്നും അധികൃതര് അറിയിച്ചു.
തൊഴിലവസരങ്ങള് സംബന്ധിച്ച അറിയിപ്പുകള് ഖത്തര് എയര്വേയ്സിന്റെ ഔദ്യോഗിക വെബ്സൈറ്റുകളിലും സമൂഹമാധ്യമങ്ങളിലെ അക്കൗണ്ടുകളിലൂടെയുമാണ് പ്രസിദ്ധീകരിക്കുന്നത്. അല്ലാതെ മറ്റ് ഏജന്സികള് മുഖേനയുള്ള പരസ്യങ്ങളൊന്നും കമ്പനി നല്കാറില്ല. റിക്രൂട്ട്മെന്റിന് ഉദ്യോഗാര്ഥികളില് നിന്ന് പണം ഖത്തര് എയര്വേയസ് ഈടാക്കാറില്ലെന്നും അറിയിപ്പില് പറയുന്നു. കമ്പനിയുടെ പേരില് ലഭിക്കുന്ന വ്യാജ മെയിലുകളും മറ്റും reportfraud@qatarairways.com.qa എന്ന ഇമെയില് വഴി അറിയിക്കണെന്നും ഖത്തര് എയര്വേയ്സ് അധികൃതര് അറിയിച്ചു.
RELATED STORIES
രാജ്യത്തിന്റെ വീണ്ടെടുപ്പിന് സ്ത്രീകള് വോട്ട് ചെയ്യണം: സുനിത നിസാര്
25 April 2024 6:45 PM GMTകിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMT