കോവിഡ് പരിശോധനക്കായി ദുബയില്‍ രണ്ട് കേന്ദ്രങ്ങള്‍ കൂടി

ദുബയ്: കോവിഡ്-19 പരിശോധനക്കായി ദുബയില്‍ രണ്ട് കേന്ദ്രങ്ങള്‍ കൂടി ആരംഭിച്ചതായി ദുബയ് ഹെല്‍ത്ത് അഥോറിറ്റി അധികൃതര്‍ അറിയിച്ചു. അല്‍ സഫ ഹെല്‍ത്ത് സെന്റര്‍, നാദ് അല്‍ സബ എന്നിവിടങ്ങളിലാണ് കോവിഡ് പരിശോധന പുതിയതായി ആരംഭിച്ചത്. നാദ് അല്‍ സബ സെന്ററില്‍ സ്ത്രീകള്‍ക്ക് മാത്രമായിരിക്കും പരിശോധന. കൂടാതെ നാദ് അല്‍ ഹമര്‍, അല്‍ മംങ്കൂള്‍, അല്‍ തവാര്‍, അല്‍ ലുസൈല്ലി എന്നീ പ്രാഥമിക ആരോഗ്യ കേന്ദ്രങ്ങളിലും അല്‍ റാഷിദിയ്യ മജ്‌ലിസ്, ജുമൈര 1 പോര്‍ട്ട് മജ്‌ലിസ്, അല്‍ നാസര്‍ ക്ലബ്ബ്, മാള്‍ ഓഫ് എമിറേറ്റ്‌സ്, സിറ്റി സെന്റര്‍ എന്നിവിടങ്ങളിലും പരിശോധന നടത്താം.