ഒബാമയുടെ റെക്കോര്ഡ് തകര്ത്തു; ബൈഡന് വൈറ്റ് ഹൗസിലെത്തുന്നത് 7.4 കോടിയിലേറെ വോട്ടുമായി
മുന് പ്രസിഡന്റായ ബരാക് ഒബാമയുടെ റെക്കോര്ഡ് തകര്ത്തായിരുന്നു ബൈഡന്റെ മുന്നേറ്റം. 7.4 കോടിയിലേറെ വോട്ടുകളാണ് ബൈഡന്റെ പെട്ടിയില് വീണത്.
ന്യൂയോര്ക്ക്: അമേരിക്കയുടെ 46ാമത് പ്രസിഡന്റായി ഡെമോക്രാറ്റിക് സ്ഥാനാര്ഥി ജോ ബൈഡന് സ്ഥാനമേല്ക്കുന്നത് റെക്കോര്ഡ് വോട്ടുകളുടെ പിന്ബലത്തില്. അമേരിക്കന് ചരിത്രത്തില് മറ്റേതൊരു പ്രസിഡന്റ് സ്ഥാനാര്ഥിയേക്കാളും ഉയര്ന്ന വോട്ടാണ് ബൈഡന് ലഭിച്ചിരിക്കുന്നത്. മുന് പ്രസിഡന്റായ ബരാക് ഒബാമയുടെ റെക്കോര്ഡ് തകര്ത്തായിരുന്നു ബൈഡന്റെ മുന്നേറ്റം. 7.4 കോടിയിലേറെ വോട്ടുകളാണ് ബൈഡന്റെ പെട്ടിയില് വീണത്.
2008 ല് ഒബാമയ്ക്ക് ലഭിച്ച 69,498,516 വോട്ടുകളെന്ന റെക്കോര്ഡാണ് ട്രംപിനെതിരേയുള്ള കടുത്ത പോരാട്ടത്തില് ബൈഡന് മറികടന്നത്. 7,44,46,452 (ആകെ 50.5 ശതമാനം) വോട്ടുകളാണ് ബൈഡനുള്ളത്. ഒബാമയേക്കാള് അഞ്ചുകോടിയോളം കൂടുതല് വോട്ടുകള് സ്വന്തമാക്കാനും ബൈഡന് സാധിച്ചു. അമേരിക്കയില് ഏറ്റവും കൂടുതല് പേര് വോട്ടുചെയ്ത തിരഞ്ഞെടുപ്പ് കൂടിയായിരുന്നു ഇത്തവണത്തേത്. അതുകൊണ്ടുതന്നെ ഒബാമയുടെ റെക്കോര്ഡ് ട്രംപും ഭേദിച്ചു. ശനിയാഴ്ച രാവിലെ വരെ 70,294,341 വോട്ടുകളാണ് (47.7%) ട്രംപിന് ലഭിച്ചത്.
റിപബ്ലിക്കന് സ്ഥാനാര്ഥിയും നിലവിലെ പ്രസിഡന്റുമായ ഡൊണാള്ഡ് ട്രംപിനേക്കാള് നാലുകോടിയോളം വോട്ടുകളാണ് ബൈഡന് നേടിയത്. 7.05 കോടി വോട്ടാണ് ട്രംപ് ഇതുവരെ നേടിയത്. പലയിടങ്ങളിലും വോട്ടെണ്ണല് ഇപ്പോഴും പുരോഗമിക്കുന്നതിനാല് ബൈഡന്റെ ലീഡ് ഇനിയും വര്ധിക്കാനാണ് സാധ്യത. നിര്ണായകമായ പെന്സില്വാനിയ കൂടി നേടിയതോടെ 273 ഇലക്ടറല് കോളജ് വോട്ടുകള് ഉറപ്പിച്ചാണ് ബൈഡന് വിജയരഥം കയറിയത്.
RELATED STORIES
രാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMT