ഗസയില് വിമാനത്തില് നിന്ന് താഴേക്കിട്ട ഭക്ഷ്യക്കിറ്റ് വീണ് അഞ്ചുമരണം
ഗസ: ഗസയില് ആകാശമാര്ഗം ഭക്ഷ്യക്കിറ്റും മറ്റ് അവശ്യ വസ്തുക്കളും വിതരണം ചെയ്യുന്നതിനിടെയുണ്ടായ അപകടത്തില് അഞ്ച് പേര് മരിച്ചു. വിമാനത്തില് നിന്ന് താഴേക്കിട്ട ഭക്ഷ്യക്കിറ്റ് പെട്ടികളില് ഘടിപ്പിച്ച പാരച്യൂട്ടുകളിലൊന്ന് വിടരാതെ താഴേക്ക് പതിച്ചതാണ് അപകടത്തിന് കാരണം. സഹായം കാത്ത് നിന്നവരുടെ മുകളിലേക്ക് പതിച്ചായിരുന്നു അപകടം.
കടുത്ത ഭക്ഷ്യക്ഷാമം നേരിടുന്ന ഗസയില് അമേരിക്ക ഉള്പ്പെടെയുള്ള വിവിധ രാജ്യങ്ങള് ആകാശമാര്ഗം സഹായവിതരണം നടത്തുന്നുണ്ട്. അമേരിക്കയും ജോര്ദനും ഈജിപ്തും ഫ്രാന്സും നെതര്ലാന്ഡും ബെല്ജിയവും ഉള്പ്പെടെയുള്ള രാജ്യങ്ങള് ഗസയില് ഭക്ഷ്യ വസ്തുക്കള് വിതരണം ചെയ്യുന്നുണ്ട്. റോഡ് മാര്ഗമുള്ള സഹായ വിതരണം ഇസ്രായേല് വൈകിപ്പിക്കുന്ന സാഹചര്യത്തില്, രാജ്യങ്ങള് ഭക്ഷണം വിമാനം വഴി എത്തിച്ചുകൊടുത്തിരുന്നു. ഇതിനിടെയാണ് ഇപ്പോള് അപകടം സംഭവിച്ചത്.
ഏത് രാജ്യം ഭക്ഷ്യക്കിറ്റ് വിതരണം ചെയ്യുമ്പോഴാണ് അപകടം ഉണ്ടായതെന്ന് വ്യക്തമല്ല. വിമാനത്തില് നിന്ന് സഹായ പാക്കറ്റുകള് താഴേക്കിടുന്നത് ഒട്ടും പ്രയോജനകരമല്ലെന്നും അതിര്ത്തികളിലൂടെ ഭക്ഷണം എത്തിക്കുന്നതാണ് നല്ലതെന്നും ഗസ സര്ക്കാര് അറിയിച്ചു. തെക്കന് ഗസ്സയിലും ക്ഷാമം മൂലമുള്ള ബാലമരണങ്ങള് സംഭവിക്കുന്നുണ്ടെന്ന് യുനിസെഫ് അറിയിച്ചു. നിലവിലെ അവസ്ഥയില് മുന്നോട്ട് പോയാല് ഗസയിലെ ജനങ്ങള് പട്ടിണി കിടന്ന് മരിക്കുമെന്ന് ഐക്യരാഷ്ട്ര സഭ മുന്നറിയിപ്പ് നല്കിയിരുന്നു.
RELATED STORIES
യുദ്ധക്കുറ്റം; നെതന്യാഹുവിനും ഗാലന്റിനും സിന്വാറിനുമെതിരേ ഐസിസിയുടെ...
20 May 2024 12:45 PM GMTമെട്രോ സ്റ്റേഷനുകളിൽ കെജ് രിവാളിനെ ഭീഷണിപ്പെടുത്തുന്ന ചുവരെഴുത്തുകൾ;...
20 May 2024 12:38 PM GMTകട വരാന്തയിൽ നിന്ന് ഷോക്കേറ്റ് 19കാരൻെറ മരണം; വിശദീകരണവുമായി കെഎസ്ഇബി
20 May 2024 11:06 AM GMTമുഹമ്മദ് മുഖ്ബർ ഇറാന്റെ ഇടക്കാല പ്രസിഡന്റ്
20 May 2024 11:03 AM GMTകണ്ണൂര് പാപ്പിനിശ്ശേരിയില് കാറും ബൈക്കും കൂട്ടിയിടിച്ച് യുവാവ്...
20 May 2024 9:52 AM GMTജിദ്ദയില് വാഹനാപകടത്തില് മരിച്ച മലപ്പുറം സ്വദേശിയുടെ മയ്യിത്ത് നാളെ...
20 May 2024 9:45 AM GMT