മാസ്ക് ധരിച്ചെത്തി കാറിൽ നിന്നും സർട്ടിഫിക്കറ്റുകൾ മോഷ്ടിച്ചു

തിരുവനന്തപുരം: മാസ്ക് ധരിച്ചെത്തിയ വ്യക്തി തിരുവനന്തപുരം ജനറൽ ആശുപത്രിക്ക് സമീപം നിർത്തിയിട്ടിരുന്ന കാർ കുത്തിത്തുറന്ന് ഡോക്ടറുടെ സർട്ടിഫിക്കറ്റുകൾ മോഷ്ടിച്ചു. വ്യാഴാഴ്ച ഉച്ചയോടെയാണ് സംഭവം. മോഷണത്തിന്റെ സിസിടിവി ദൃശ്യങ്ങൾ പുറത്തുവന്നു.

ഡോ.ഷിബിൻ ഷായുടെ പത്താംക്ലാസ് മുതലുള്ള സർട്ടിഫിക്കറ്റുകളാണ് കാറിൽ സൂക്ഷിച്ചിരുന്നത്. മാസ്ക് ധരിച്ചെത്തിയ വ്യക്തി കാറിന്റെ ഇടത് വശത്തുള്ള ഡോർ കുത്തി തുറന്ന് സർട്ടിഫിക്കറ്റുകൾ മോഷ്ടിക്കുകയായിരുന്നു. പോലിസ് കേസെടുത്ത് അന്വേഷണം ആരംഭിച്ചു.