സുരേഷ് ഗോപി ആട്ടിയോടിച്ച കുഞ്ഞിന്റെ ചികിത്സ സര്ക്കാര് ഏറ്റെടുത്തു
![സുരേഷ് ഗോപി ആട്ടിയോടിച്ച കുഞ്ഞിന്റെ ചികിത്സ സര്ക്കാര് ഏറ്റെടുത്തു സുരേഷ് ഗോപി ആട്ടിയോടിച്ച കുഞ്ഞിന്റെ ചികിത്സ സര്ക്കാര് ഏറ്റെടുത്തു](https://www.thejasnews.com/h-upload/2024/03/03/217937-181139.webp)
തിരുവനന്തപുരം: അപൂര്വ രോഗമുള്ള രണ്ടു വയസുകാരന് ചികിത്സാ സഹായം ചോദിച്ചെത്തിയ മാതാവിനെയും കുഞ്ഞിനെയും നടനും ബിജെപി നേതാവുമായ സുരേഷ് ഗോപി അപമാനിച്ച സംഭവത്തില് ഇടപെട്ട് സര്ക്കാര്. അപൂര്വ രോഗം ബാധിച്ച രണ്ട് വയസുകാരന്റെ ചികിത്സ ഉറപ്പാക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. കോയമ്പത്തൂര് സ്വദേശിയും മലയാളിയുമായ സിന്ധുവിന്റെ മകനാണ് ആരോഗ്യ വകുപ്പ് അപൂര്വ രോഗത്തിനുള്ള വിലപിടിപ്പുള്ള മരുന്ന് നല്കുന്നത്. കുഞ്ഞിന് ചികിത്സാ സഹായം ചോദിച്ചെത്തിയ മാതാവിനെ അധിക്ഷേപിച്ചു എന്ന വാര്ത്ത ശ്രദ്ധയില്പ്പെട്ടതിനെ തുടര്ന്നാണ് നടപടി. കുഞ്ഞിന്റെ അമ്മയെ വിളിച്ച് മന്ത്രി സംസാരിക്കുകയും ആശ്വസിപ്പിക്കുകയും ചെയ്തു.
കോയമ്പത്തൂരില് താമസിക്കുന്ന സിന്ധു സുരേഷ് ഗോപിയോട് മകന് അശ്വിന് ചികിത്സക്കായി സഹായം അഭ്യര്ഥിച്ചപ്പോള് ഗോവിന്ദന് മാസ്റ്ററെ പോയി കാണാനായിരുന്നു മറുപടി. ഗുരുവായൂര് ക്ഷേത്രദര്ശനത്തിനിടെ സുരേഷ് ഗോപിയേയും സംഘത്തേയും കണ്ടപ്പോള് രണ്ടു വയസ്സുള്ള മകന് അശ്വിനേയും എടുത്ത് സഹായം ചോദിക്കുകയായിരുന്നു. സിന്ധുവിന്റെ മകന് അശ്വിന് മാസ്റ്റോസൈറ്റോസിസ് എന്ന അപൂര്വ രോഗമാണുള്ളത്. മകന് ചികിത്സക്കായി ആണ് സിന്ധു സഹായം അഭ്യര്ഥിച്ചത്. തമിഴ്നാട് സ്വദേശിനിയായ സിന്ധു കോടീശ്വരന് സ്ഥിരമായി കാണുക വഴിയാണ് സുരേഷ് ഗോപിയെ അറിയുന്നത്. ഒരു മാസം മരുന്നിന് മാത്രം 50,000 രൂപയോളം ചെലവ് വരുമെന്നാണ് സിന്ധു പറയുന്നത്. കുട്ടിയുടെ ചികിത്സയ്ക്ക് സര്ക്കാര് എല്ലാവിധ സഹായവും നല്കുമെന്ന് മന്ത്രി വീണ ജോര്ജ് പറഞ്ഞു.
RELATED STORIES
മണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMTനീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMT