കൈയേറ്റ ഭൂമി ഒഴിപ്പിക്കല്: സര്ക്കാര് നടപടികള് പ്രഹസനമാവരുത്- എസ്ഡിപിഐ
പിണറായി സര്ക്കാര് അധികാരത്തിലെത്തിയതു മുതല് വന്കിട കൈയേറ്റക്കാരെ വരെ സംരക്ഷിക്കുന്ന നിലപാടാണ് സ്വീകരിച്ചുവരുന്നത്.
കോഴിക്കോട്: സംസ്ഥാനത്തെ കൈയേറ്റ ഭൂമി ഒഴിപ്പിക്കുന്നതിന് സര്ക്കാര് നടത്തുന്ന നീക്കം പ്രഹസനമാവരുതെന്ന് എസ്ഡിപിഐ സംസ്ഥാന പ്രസിഡന്റ് പി അബ്ദുല് മജീദ് ഫൈസി. പിണറായി സര്ക്കാര് അധികാരത്തിലെത്തിയതു മുതല് വന്കിട കൈയേറ്റക്കാരെ വരെ സംരക്ഷിക്കുന്ന നിലപാടാണ് സ്വീകരിച്ചുവരുന്നത്.
കൊട്ടിഘോഷിച്ച് ആരംഭിക്കുന്ന കൈയേറ്റം ഒഴിപ്പിക്കല് നടപടികള് കേവലം റവന്യൂ ഉദ്യോഗസ്ഥരെ ബലിയാടാക്കി അവസാനിപ്പിക്കുന്ന രീതിയാണ് ഈ സര്ക്കാര് അനുവര്ത്തിച്ചുവരുന്നത്. സംസ്ഥാനത്ത് ലക്ഷക്കണക്കിന് കുടുംബങ്ങള് അന്തിയുറങ്ങാന് ഇടമില്ലാതെ തെരുവുകളിലും പുറമ്പോക്കുകളിലും അഭയം തേടുമ്പോള് പതിനായിരക്കണക്കിന് ഏക്കര് ഭൂമിയാണ് കോര്പറേറ്റുകള് ഉള്പ്പെടെ കൈയടക്കി വച്ചിരിക്കുന്നത്.
കൈയേറ്റമൊഴിപ്പിക്കാനെന്ന പേരില് പുതിയ സര്വേയുമായി റവന്യൂ വകുപ്പും സര്ക്കാരും നടത്തുന്ന നീക്കം മുന്കാലങ്ങളിലെ പോലെ കേവലം നാടകങ്ങളായി മാറരുതെന്ന് അദ്ദേഹം വ്യക്തമാക്കി. ഹാരിസണ് ഉള്പ്പെടെയുള്ള വന്കിട കൈയേറ്റങ്ങളെ നിയമാനുസൃതമാക്കാന് പരിശ്രമിക്കുന്ന സര്ക്കാരിന്റെ പുതിയ നീക്കം സംശയകരമാണെന്നും ഫൈസി കൂട്ടിച്ചേര്ത്തു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT