പെൺകുട്ടിയെ പീഡിപ്പിച്ച കേസിൽ അമ്മയുടെ സുഹൃത്ത് അറസ്റ്റിൽ

തിരുവനന്തപുരം: പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച കേസിൽ അമ്മയുടെ സുഹൃത്ത് അറസ്റ്റിൽ. കിളിമാനൂർ ഞാവേലിക്കോണം തോപ്പിൽവിള പുത്തൻവീട്ടിൽനിന്ന്, പാപ്പാല ചാക്കുടി തുണ്ടുവിള വീട്ടിൽ വാടകയ്ക്ക് താമസിക്കുന്ന സജീവ് (27) ആണ് അറസ്റ്റിലായത്. വാടകവീടിനുള്ളിൽവെച്ച് കുട്ടിയെ പീഡിപ്പിച്ചെന്ന് മാതാവ് നൽകിയ പരാതിയിൽ കിളിമാനൂർ പോലിസ് കേസെടുത്തു. അന്വേഷണത്തിൽ ഇയാൾ മുമ്പും പെൺകുട്ടിയെ പീഡിപ്പിച്ചിരുന്നതായി വ്യക്തമായിട്ടുണ്ട്.

കിളിമാനൂർ പോലിസ് ഇൻസ്പെക്ടർ കെ ബി മനോജ് കുമാറിന്റെ നേതൃത്വത്തിൽ എസ്ഐ എസ് അഷ്റഫ്, സുരേഷ് കുമാർ, ടി കെ ഷാജി, എഎസ്ഐ റാഫി, ഷജിം, ഹരികൃഷ്ണൻ എന്നിവരടങ്ങിയ സംഘമാണ് അറസ്റ്റ് ചെയ്തത്. പ്രതിയെ കോടതി റിമാൻഡ് ചെയ്തു.