തൃശൂര്‍- പാലക്കാട് റൂട്ടിലെ സ്വകാര്യ ബസ് സമരം പിന്‍വലിച്ചു

തൃശൂര്‍: രണ്ടുദിവസമായി തൃശൂര്‍- പാലക്കാട് റൂട്ടില്‍ നടത്തിവരുന്ന സ്വകാര്യബസ്സുകളുടെ സമരം പിന്‍വലിച്ചു. റോഡ് അടിയന്തരമായി ഗതാഗതയോഗ്യമാക്കുമെന്ന് തൃശൂര്‍ കലക്ടര്‍ നല്‍കിയ ഉറപ്പിനെത്തുടര്‍ന്നാണ് സമരം പിന്‍വലിച്ചത്. കുതിരാനില്‍ ഉള്‍പ്പടെ ദേശീയപാതയിലെ തകര്‍ച്ചയില്‍ പ്രതിഷേധിച്ചാണ് വെള്ളിയാഴ്ച മുതല്‍ സമരം തുടങ്ങിയത്. യാത്രസമയത്ത് പൂര്‍ത്തിയാക്കാന്‍ പറ്റുന്നില്ലെന്നും വാഹനങ്ങള്‍ക്ക് പെട്ടെന്ന് കേടുപാടുകള്‍ പറ്റുന്നുവെന്നും അതിനാല്‍ അടിയന്തരമായി റോഡ് അറ്റകുറ്റപ്പണി നടത്തണമെന്നും ബസ്സുടമകള്‍ ആവശ്യപ്പെടുന്നു. പണിമുടക്ക് രണ്ടുദിവസം പിന്നിട്ട സാഹചര്യത്തില്‍ പാതയുടെ അറ്റകുറ്റപ്പണി ഉടന്‍ നടത്തുമെന്ന കലക്ടറുടെ ഉറപ്പിന്റെ അടിസ്ഥാനത്തില്‍ പണിമുടക്ക് അവസാനിപ്പിക്കാന്‍ ഉടമകള്‍ തീരുമാനിക്കുകയായിരുന്നു.