കേരളത്തില് ഒരു കൊവിഡ് മരണംകൂടി; മരിച്ചത് മാഹി സ്വദേശിയായ വയോധികന്
മാഹി ചെറുകല്ലായി സ്വദേശി മെഹ്റൂഫ് (71) ആണ് മരിച്ചത്.
കണ്ണൂര്: കേരളത്തില് കൊവിഡ് വൈറസ് രോഗം ബാധിച്ച് ഒരാള്കൂടി മരിച്ചു. മാഹി ചെറുകല്ലായി ടെലിഫോണ് എക്സ്ചേഞ്ചിനു സമീപം മെഹ്റൂഫ് (71) ആണ് മരിച്ചത്. ഇതോടെ സംസ്ഥാനത്ത് കൊവിഡ് ബാധിച്ച് മരിച്ചവരുടെ എണ്ണം മൂന്നായി. മെഹ്റൂഫ് പരിയാരം മെഡിക്കല് കോളജ് ആശുപത്രിയില് ചികില്സയിലായിരുന്നു. പനിയും ശ്വാസതടസ്സവുംമൂലം കഴിഞ്ഞ 23നാണ് അദ്ദേഹം ആശുപത്രിയില് ചികില്സ തേടിയത്. പിന്നീട് നടത്തിയ പരിശോധനയില് ഇദ്ദേഹത്തിന് കൊവിഡ് സ്ഥിരീകരിക്കുകയായിരുന്നു.
ഇരുവൃക്കകളും തകരാറിലായ ഇദ്ദേഹം വെന്റിലേറ്ററിന്റെ സഹായത്തോടെയാണ് ജീവന് നിലനിര്ത്തിയിരുന്നത്. ഇയാള്ക്ക് എവിടെനിന്നാണ് രോഗം ബാധിച്ചതെന്ന് വ്യക്തമായിട്ടില്ല. കണ്ണൂരില് പലഭാഗങ്ങളിലും ഇദ്ദേഹം സഞ്ചരിച്ചതായും ചില ചടങ്ങുകളില് പങ്കെടുത്തതായും ആരോഗ്യവകുപ്പിന് വിവരം ലഭിച്ചിട്ടുണ്ട്. ഇദ്ദേഹവുമായി സമ്പര്ക്കത്തില് ഏര്പ്പെട്ടവരെ കണ്ടെത്താനുള്ള പരിശ്രമത്തിലാണ് ആരോഗ്യവകുപ്പും ജില്ലാ ഭരണകൂടവും. ഭാര്യ: ആയിഷ. മക്കള്: ബാബു, അര്ഷാദ് (ഇരുവരും ഗള്ഫ്), ജസീല, നദിം. മരുമക്കള്: വഹീജ, നജീബ്, സെയ്ദിയ. സഹോദരങ്ങള്: ഹംസ, പരേതനായ മഹ്മൂദ്.
RELATED STORIES
കെജ് രിവാളിന് മുഖ്യമന്ത്രിയായി തുടരാം; നീക്കണമെന്ന ഹരജി ഡല്ഹി...
28 March 2024 9:38 AM GMTയുഎഇയില് മലയാളി ഉടമയുടെ ചതിയില്പ്പെട്ട മുന് സൈനികന് 40 ലക്ഷം...
28 March 2024 9:13 AM GMTസിഎഎ യോഗ്യതാ സർട്ടിഫിക്കറ്റ് മതപുരോഹിതർക്ക് നൽകാനാകുമെന്ന് കേന്ദ്ര...
28 March 2024 7:02 AM GMTസിദ്ധാർഥന്റെ മരണം: ജുഡീഷ്യൽ അന്വേഷണത്തിനുള്ള ഗവർണറുടെ തീരുമാനം...
28 March 2024 6:35 AM GMTപയ്യോളിയില് രണ്ട് പെണ്മക്കള് വീടിനുള്ളിലും പിതാവ് ട്രെയിനിടിച്ചും...
28 March 2024 6:35 AM GMTനെല്ലിയാമ്പതിയിൽ ജനവാസ മേഖലയില് പുലി ഇറങ്ങി
28 March 2024 6:34 AM GMT