പള്ളികളില്‍ ജുമുഅ- ജമാഅത്തുകള്‍ തവണകളായി നടത്താം: സംസ്ഥാന ജംഇയ്യത്തുല്‍ ഉലമ

മലപ്പുറം: മതപണ്ഡിത സംഘടനകളുടെ ആവശ്യപ്രകാരം നിയന്ത്രണങ്ങള്‍ക്കുവിധേയമായി പള്ളികള്‍ തുറക്കാന്‍ കേന്ദ്ര- സംസ്ഥാന സര്‍ക്കാരുകള്‍ അനുവദിച്ച സ്ഥിതിക്ക് സര്‍ക്കാരിന്റെ പ്രസ്തുത നിയന്ത്രണങ്ങള്‍ പാലിച്ചുകൊണ്ട് പള്ളികളില്‍വച്ചുള്ള ആരാധനാ സൗകര്യങ്ങള്‍ ഉപയോഗപ്പെടുത്താന്‍ വിശ്വാസികള്‍ ശ്രദ്ധിക്കണമെന്ന് കേരള സംസ്ഥാന ജംഇയ്യത്തുല്‍ ഉലമാ ജനറല്‍ സെക്രട്ടറി എ നജീബ് മൗലവി അഭ്യര്‍ഥിച്ചു.

ഒരുസമയം നൂറിലധികം പേര്‍ പാടില്ലെന്ന വ്യവസ്ഥപാലിക്കാന്‍ കൂടുതല്‍ ആളുകളുള്ളപ്പോള്‍ ജുമുഅ- ജമാഅത്തുകള്‍ സമയബന്ധിതമായി തവണകളായി നിര്‍വഹിക്കാന്‍ സൗകര്യമൊരുക്കാനും ബന്ധപ്പെട്ടവര്‍ ശ്രദ്ധിക്കണമെന്ന് അദ്ദേഹം ചൂണ്ടിക്കാട്ടി.