റിബലായി മല്‍സരിച്ചാല്‍ പാര്‍ട്ടിക്ക് പുറത്ത്; മുന്നറിയിപ്പുമായി മുസ്‌ലിം ലീഗ്

മലപ്പുറം: തദ്ദേശഭരണ തിരഞ്ഞെടുപ്പില്‍ യുഡിഎഫ് സ്ഥാനാര്‍ഥികള്‍ക്കെതിരെ മല്‍സരിക്കുന്ന വിമതരെ പാര്‍ട്ടിയില്‍നിന്ന് പുറത്താക്കുമെന്ന് മുസ് ലിം ലീഗ് സംസ്ഥാന ജനറല്‍ സെക്രട്ടറി കെ പി എ മജീദ്. യുഡിഎഫ് നിശ്ചയിച്ച സ്ഥാനാര്‍ഥികള്‍ക്കെതിരേ പാര്‍ട്ടി അംഗങ്ങളോ അനുഭാവികളോ റിബലായി മല്‍സരിക്കാന്‍ പാടില്ല.

അങ്ങനെ മല്‍സരിക്കുന്നവരെ കീഴ്ഘടകങ്ങളുടെ റിപോര്‍ട്ട് അനുസരിച്ച് പാര്‍ട്ടിയില്‍നിന്ന് പുറത്താക്കും. പിന്നീട് പാര്‍ട്ടിയിലേക്ക് തിരിച്ചുവരാമെന്ന് ആരും കരുതേണ്ടതില്ലെന്നും കെ പി എ മജീദ് വ്യക്തമാക്കി.