ലൈഫ് മിഷന്: മൂന്നാംഘട്ട പ്രവര്ത്തനങ്ങള്ക്ക് 1,500 കോടിയുടെ ഹഡ്കോ വായ്പ
തിരുവനന്തപുരം: ലൈഫ് ഭവന നിര്മാണത്തിന് ഹഡ്കോയില്നിന്നും 1,500 കോടി രൂപയുടെ വായ്പ അനുവദിച്ചതിന്റെ അനുമതിപത്രം ലഭിച്ചു. മന്ത്രി എം വി ഗോവിന്ദന് മാസ്റ്ററുടെ സാന്നിധ്യത്തില് ഹഡ്കോ റീജ്യനല് ചീഫ് ബീന ഫിലിപ്പോസ് കെയുആര്ഡിഎഫ്സി മാനേജിങ് ഡയറക്ടര് ആര് എസ് കണ്ണന് അനുമതിപത്രം കൈമാറി.
ഹഡ്കോയും കെയുആര്ഡിഎഫ്സിയും തമ്മിലും തദ്ദേശ സ്വയംഭരണ സ്ഥാപനങ്ങളും കെയുആര്ഡിഎഫ്സിയും തമ്മിലും കരാറില് ഏര്പ്പെടാന് നേരത്തെ തന്നെ ഉത്തരവിറക്കിയിരുന്നു. വായ്പാ വിതരണവും തിരിച്ചടവും മോണിറ്റര് ചെയ്യാന് പിഎംയു സംവിധാനം ഒരുക്കും. കെയുആര്ഡിഎഫ്സിയും തദ്ദേശ സ്വയംഭരണ സ്ഥാപനങ്ങളും പ്രത്യേകം ബാങ്ക് അക്കൗണ്ടുകള് ആരംഭിച്ചാണ് വായ്പാതുക കൈകാര്യം ചെയ്യുക. ലൈഫ് വീടുകള്ക്ക് വേണ്ടിയുള്ള തുക ഗുണഭോക്താക്കള്ക്ക് വിതരണം ചെയ്യുന്നതിന് ഐകെഎമ്മും എസ്ബിഐയും ചേര്ന്ന് സോഫ്റ്റ്വെയര് സൗകര്യം ഒരുക്കും.
സംസ്ഥാനത്തെ 71,800 ഗുണഭോക്താക്കള്ക്കാണ് ഹഡ്കോ വായ്പകൊണ്ട് ലൈഫ് മിഷന് വീടൊരുക്കുന്നത്. ഗ്രാമീണ മേഖലയിലെ 69217 ഗുണഭോക്താക്കള്ക്ക് ഭവന നിര്മാണത്തിനായി 1448.34 കോടിയും നഗര പ്രദേശങ്ങളിലെ 2583 ഗുണഭോക്താക്കള്ക്ക് 51.66 കോടി രൂപയും വിനിയോഗിക്കും. വായ്പാ അനുമതി പത്രം കൈമാറുന്ന ചടങ്ങളില് ഹഡ്കോ ജോയിന്റ് ജനറല് മാനേജര് ജോണ് ജോസഫ് വടശ്ശേരിയും ലൈഫ്മിഷന് സി ഇ ഒയും മറ്റ് ഉദ്യോഗസ്ഥരും പങ്കാളികളായി.
RELATED STORIES
ടി.ജി നന്ദകുമാറില് നിന്ന് 10 ലക്ഷം വാങ്ങിയെന്ന് സമ്മതിച്ച് ശോഭാ...
23 April 2024 2:14 PM GMTകുഞ്ഞാലിക്കുട്ടിയെ ശോഭാ സുരേന്ദ്രന് കണ്ടു; കെ മുരളീധരനെയും സമീപിച്ചു; ...
23 April 2024 1:54 PM GMTകളമശേരി സ്ഫോടനം: കോടതിയിൽ കുറ്റപത്രം സമർപ്പിച്ചു
23 April 2024 12:04 PM GMTകെജ് രിവാളിനും കെ കവിതക്കും ജയിൽ മോചനമില്ല; ജുഡീഷ്യൽ കസ്റ്റഡി...
23 April 2024 11:46 AM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMTസൂറത്തിലെ കോണ്ഗ്രസ് സ്ഥാനാര്ഥിയെ കാണാനില്ല; ബിജെപിയില്...
23 April 2024 11:34 AM GMT