റവന്യു റിക്കവറി നടപടികള്‍ മരവിപ്പിക്കും: മൊറട്ടോറിയം ഡിസംബര്‍ 31 വരെ നീട്ടി

തിരുവനന്തപുരം: സംസ്ഥാനത്ത് കാര്‍ഷിക വായ്പകള്‍ക്കുള്ള മൊറട്ടോറിയം ഡിസംബര്‍ 31 വരെ തുടരുമെന്നും അതുവരെ റവന്യു റിക്കവറി നടപടികള്‍ മരവിപ്പിക്കുമെന്നും സര്‍ക്കാര്‍. സംസ്ഥാനതല ബാങ്കേഴ്‌സ് സമിതിയുമായി മുഖ്യമന്ത്രിയുടെ നേതൃത്വത്തില്‍ നടന്ന ചര്‍ച്ചയിലാണ് തീരുമാനം.

കാര്‍ഷിക വായ്പ്പകളിന്‍മേലുള്ള പരാതികള്‍ പരിശോധിക്കാന്‍ സബ് കമ്മിറ്റി രൂപീകരിക്കാനും തീരുമാനമായി. വയനാട് ഇടുക്കി ജില്ലകളില്‍ നിലവിലുള്ളതിന് സമാനമായിട്ടായിരിക്കും സബ് കമ്മിറ്റി പ്രവര്‍ത്തിക്കുകയെന്ന് കൃഷിമന്ത്രി വി എസ് സുനില്‍കുമാര്‍ പറഞ്ഞു.

വായ്പകള്‍ പുനക്രമീകരിക്കാത്തതിന്റെ പേരില്‍ റിക്കവറി നടപടികള്‍ അനുവദിക്കാനാകില്ലെന്നും സര്‍ക്കാര്‍ നിലപാടെടുത്തു. പുനക്രമീകരിക്കാത്ത വായ്പകള്‍ക്ക് മൊറട്ടോറിയം ലഭ്യമാക്കാന്‍ വായ്പകള്‍ പുതുക്കി നല്‍കാനാണ് തീരുമാനം.