തൃശൂരില് യുവാക്കളെ വെട്ടിക്കൊന്ന സംഭവം; നാല് പേര് പിടിയില്
തൃശൂര്: മുണ്ടൂരില് 2 യുവാക്കളെ പിക്കപ്പ് വാന് ഇടിപ്പിച്ച ശേഷം വെട്ടിക്കൊലപ്പെടുത്തിയ സംഭവത്തില് നാലു പേര് പിടിയില്. വരടിയം സ്വദേശികളായ മാളിയേക്കല് ഡയമണ്ട് സിജോ, സഹോദരന് മിജോ, കൂട്ടാളികളായ ജിനോ, അഖില് എന്നിവരെയാണ് പോലിസ് പിടിക്കൂടിയത്. പ്രതികള് പീച്ചി വനമേഖലയിലുണ്ടെന്ന് വിവരം ലഭിച്ചതിനെത്തുടര്ന്ന് പോലിസ് അന്വേഷണം നടത്തിയിരുന്നു. തുടര്ന്ന് വനം വകുപ്പിന്റെ സഹായത്തോടെ തിരച്ചില് നടത്തിയപ്പോള് പ്രതികള് കടന്നുകളഞ്ഞു. പിന്നീട് ഗുരുവായൂരിലെത്തി ഇവര് കീഴടങ്ങുകയായിരുന്നു. കഴിഞ്ഞ ദിവസം പുലര്ച്ചെ ഒരുമണിയോടെ മുണ്ടൂര് പാറപ്പുറത്തായിരുന്നു മുണ്ടൂര് വരടിയം കൂരിയാല്പാലം പറവട്ടാനി ശ്യാം (24), മുണ്ടത്തിക്കോട് ചൊവ്വല്ലൂര് ക്രിസ്റ്റോ (25) എന്നിവര് കൊല്ലപ്പെട്ടത്. കൂടെയുണ്ടായിരുന്ന സുഹൃത്തുക്കള് പ്രസാദ് (ശംഭു 24), വേലൂര് സ്വദേശി രാജേഷ് (24) എന്നിവര് തൃശൂര് മെഡിക്കല് കോളജ് ആശുപത്രിയില് ചികില്സയിലാണ്. തലയ്ക്കു ഗുരുതര പരിക്കേറ്റ രാജേഷിനെ ശസ്ത്രക്രിയയ്ക്കു ശേഷം ന്യൂറോ തീവ്ര പരിചരണ വിഭാഗത്തിലേക്ക് മാറ്റി. അപകടനില തരണം ചെയ്തിട്ടില്ല. ശ്യാമിന്റെയും ക്രിസ്റ്റോയുടേയും മൃതദേഹം പോസ്റ്റ്മോര്ട്ടത്തിനു ശേഷം ബന്ധുക്കള്ക്കു വിട്ടുനല്കി.
RELATED STORIES
കഞ്ചാവ് ചെടികളുമായി അസം സ്വദേശി പിടിയില്
20 April 2024 6:16 AM GMTമാസപ്പടി കേസ്: വരുംദിവസങ്ങളിൽ കൂടുതൽ പേരെ ചോദ്യം ചെയ്യുമെന്ന് ഇഡി
20 April 2024 6:14 AM GMTവിവാഹാലോചനയിൽ നിന്ന് പിന്മാറി; യുവതിയെ വെട്ടിപ്പരിക്കേൽപിച്ചു
20 April 2024 6:13 AM GMTഎഐ ക്യാമറ വഴി പിഴക്ക് നോട്ടിസയക്കുന്നത് നിര്ത്തി കെല്ട്രോണ്
20 April 2024 6:08 AM GMTകടലിൽ കാണാതായ വിദ്യാർത്ഥിയുടെ മൃതദേഹം കണ്ടെത്തി
20 April 2024 6:06 AM GMTരാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMT