കൊയിലാണ്ടിയില്‍ മുഴുവന്‍ ഓട്ടോ തൊഴിലാളികള്‍ക്കും കൊവിഡ് പരിശോധന നടത്തുന്നു

കൊയിലാണ്ടി: കൊയിലാണ്ടിയില്‍ നാല് ഓട്ടോ ഡ്രൈവര്‍മാര്‍ക്ക് കൊവിഡ് സ്ഥിരീകരിച്ച സാഹചര്യത്തില്‍ ജില്ലാ ആരോഗ്യവകുപ്പിന്റെ നിര്‍ദേശപ്രകാരം കൊയിലാണ്ടിയിലെ മുഴുവന്‍ ഓട്ടോ തൊഴിലാളികള്‍ക്കും കൊവിഡ് പരിശോധന നടത്തുന്നു. നാല് ഓട്ടോ തൊഴിലാളികളുടെ സമ്പര്‍ക്കപ്പട്ടിക തയ്യാറാക്കല്‍ ദുഷ്‌കരമായ സാഹചര്യത്തില്‍ മുഴുവന്‍ തൊഴിലാളികള്‍ക്കും ടെസ്റ്റ് നടത്തണമെന്ന ആവശ്യം ഉയര്‍ന്നിരുന്നു. രജിസ്‌ട്രേഷന്‍ പൂര്‍ത്തിയായാല്‍ അടുത്ത ആഴ്ച ചൊവ്വ, ബുധന്‍, ദിവസങ്ങളിലായി ടെസ്റ്റ് നടത്താനാണ് ആരോഗ്യവിഭാഗം തീരുമാനിച്ചിട്ടുള്ളത്.

ടെസ്റ്റ് സെന്റര്‍ തീരുമാനിക്കുന്നതിന്റെ മുന്നോടിയായി മുഴുവന്‍ തൊഴിലാളികളും അവരുടെ പേര്, വയസ്, അഡ്രസ്, പോസ്റ്റ്, ഫോണ്‍ നമ്പര്‍ എന്നിവ സഹിതം താഴെ കാണുന്ന നമ്പറില്‍ നേരിട്ട് വിളിച്ചോ അല്ലെങ്കില്‍ വാട്‌സ് ആപ്പ് മുഖേനയൊ അറിയിക്കണമെന്ന് അഭ്യര്‍ഥിച്ചു. ഇതിനായി എ കെ ശിവദാസന്‍: 894300 8970, സുരേഷ് അമ്പാടി: 9495 679195, ഷംസു കൊല്ലം: 9847444960, ഷിജു: 994756 4471 എന്നിവരെ ബന്ധപ്പെടുന്നതിനായി ചുമതലപ്പെടുത്തിയിട്ടുണ്ട്.