പൗരത്വ ഭേദഗതി നിയമം: ഗവര്‍ണര്‍ക്ക് നേരേ ഗോ ബാക്ക് വിളി

പയ്യോളി: ഗവര്‍ണര്‍ക്ക് നേരേ കെഎസ്‌യു പ്രവര്‍ത്തകരുടെ ഗോ ബാക്ക് വിളി. ഇരിങ്ങല്‍ സര്‍ഗാലയ ക്രാഫ്റ്റ് വില്ലേജില്‍ കരകൗശലമേള ഗവര്‍ണര്‍ ആരിഫ് മുഹമ്മദ് ഖാന്‍ ഉദ്ഘാടനം ചെയ്തുസംസാരിക്കാന്‍ തുടങ്ങുമ്പോഴാണ് സദസ്സില്‍നിന്ന് കെഎസ്‌യു പ്രവര്‍ത്തകര്‍ പൗരത്വ നിയമത്തിനെതിരേ ഗോ ബാക്ക് വിളിച്ച് പ്രതിഷേധിച്ചത്.

കെഎസ്‌യു കൊയിലാണ്ടി നിയോജകമണ്ഡലം പ്രസിഡന്റ് ജാനിബിന്റെ നേതൃത്വത്തില്‍ ഇന്ന് രാത്രി 7 മണിയോടെയായിരുന്നു സംഭവം. പോലിസ് പ്രവര്‍ത്തകരെ അറസ്റ്റുചെയ്തു നീക്കി. പാര്‍ലമെന്റ് പാസാക്കിയപൗരത്വഭേദഗതി നിയമത്തെ ഗവര്‍ണര്‍ അനുകൂലിച്ച് സംസാരിക്കുകയും പ്രതിഷേധങ്ങളെ തള്ളിപ്പറയുകയും ചെയ്തിരുന്നു.