ബൈക്ക് മോഷണക്കേസിലെ പ്രതി കൊട്ടാരക്കരയിൽ പിടിയിൽ

തിരുവനന്തപുരം: ബൈക്ക് മോഷണക്കേസിലെ പ്രതി കൊട്ടാരക്കരയിൽ നിന്നും പിടിയിൽ. നിരവധി ക്രിമിനൽ കേസുകളിലെ പ്രതിയായ അഞ്ചൽ പത്തടി ഭാരതീപുരം കോടിയിൽ പുത്തൻവീട്ടിൽ നൗഫലി(30)നെ ഇന്ന് പുലർച്ചെ കൊട്ടാരക്കരയിൽ നിന്നും തിരുവനന്തപുരം റൂറൽ പോലിസ് മേധാവിയുടെ ഷാഡോ ടീം അംഗങ്ങളായ ഗ്രേഡ് എസ്ഐ ബിജു, സിപിഒമാരായ സുധീർ, അനൂപ്, ഷിജു, സുനിൽരാജ് എന്നിവർ ചേർന്ന് പിടികൂടി കിളിമാനൂർ പോലിസ് സ്റ്റേഷനിൽ ഏൽപ്പിച്ചു. കിളിമാനൂർ കരേറ്റിൽ നിന്നുമാണ് ഈ മാസം ആദ്യം നൗഫലും മറ്റൊരു പ്രതിയായ അശ്വിനും കൂടി ബൈക്ക് മോഷ്ടിച്ചത്. അശ്വിനെ ഒരാഴ്ച മുൻപ് ഷാഡോ പോലിസ് ടീം പിടികൂടിയിരുന്നു.