വനിതാ പഞ്ചായത്തംഗത്തെ പെട്രോളൊഴിച്ച് തീക്കൊളുത്താന് ശ്രമം; പ്രതി പിടിയില്
ലൈഫ് പദ്ധതിയില് വീടനുവദിക്കാന് ഇടപെട്ടില്ലെന്നാരോപിച്ചാണ് വനിതാ പഞ്ചായത്തംഗത്തിന് നേരെ ആക്രമണം നടത്തിയത്. പഞ്ചായത്ത് ഓഫിസിനുള്ളില് വച്ചായിരുന്നു ആക്രമണം.
കോഴിക്കോട്: കുറ്റിയാടി വേളം വനിതാ പഞ്ചായത്തംഗത്തെ പെട്രോളൊഴിച്ച് തീക്കൊളുത്താന് ശ്രമം. പഞ്ചായത്തിലെ 16ാം വാര്ഡ് അംഗം ലീല ആര്യന്ങ്കാവലിനെതിരേയാണ് ആക്രമണമുണ്ടായത്. സംഭവവുമായി ബന്ധപ്പെട്ട് കൊയ്യുറ സ്വദേശി ബാലന് എന്നയാളെ പോലിസ് അറസ്റ്റുചെയ്തു. ലൈഫ് പദ്ധതിയില് വീടനുവദിക്കാന് ഇടപെട്ടില്ലെന്നാരോപിച്ചാണ് വനിതാ പഞ്ചായത്തംഗത്തിന് നേരെ ആക്രമണം നടത്തിയത്. പഞ്ചായത്ത് ഓഫിസിനുള്ളില് വച്ചായിരുന്നു ആക്രമണം. ചങ്ങലയില് കെട്ടിയിട്ട ശേഷം പഞ്ചായത്ത് ഓഫിസിലെത്തിയ ബാലന് കൈവശമുണ്ടായിരുന്ന രണ്ടുകുപ്പി പെട്രോള് തന്റെയും ലീലയുടേയും ശരീരത്തിലേക്ക് ഒഴിക്കുകയായിരുന്നു. തുടര്ന്ന് തീക്കൊളുത്തുമെന്ന് ഭീഷണിപ്പെടുത്തി.
പഞ്ചായത്ത് ഓഫിസിലെ ജീവനക്കാരും ഓടിയെത്തിയ നാട്ടുകാരും ചേര്ന്ന് ബലംപ്രയോഗിച്ച് ഇയാളെ പിടിച്ചുമാറ്റുകയായിരുന്നു. പിന്നീട് ബാലനെ പോലിസിന് കൈമാറി. ലീലയെ ആശുപത്രിയില് പ്രവേശിപ്പിച്ചിരിക്കുകയാണ്. കസ്റ്റഡിയിലുള്ള ബാലനെ പോലിസ് കൂടുതല് ചോദ്യംചെയ്തുവരികയാണ്. ഇയാള്ക്കെതിരേ വധശ്രമത്തിന് കേസെടുത്തു. ഭാര്യയുടെ പേരില് ബാലന് നാലുവര്ഷം മുമ്പ് വീടനുവദിച്ചിരുന്നുവെന്നും അതിനാലാണ് ലൈഫ് പദ്ധതിയില് ഉള്പ്പെടുത്താതിരുന്നതെന്നുമാണ് പഞ്ചായത്ത് അധികൃതരുടെ വിശദീകരണം. എന്നാല്, താന് വേറെ അപേക്ഷ നല്കിയിട്ടുണ്ടെന്നും പട്ടികയില് പേരുണ്ടെന്നുമാണ് ബാലന് പറയുന്നത്.
RELATED STORIES
ഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTമോദിയുടെ മുഖ്യ വിമര്ശകന് ധ്രുവ് റാഠി അഞ്ച് പ്രാദേശിക ഭാഷകളില് കൂടി...
19 April 2024 11:00 AM GMTപ്രിയ വര്ഗീസിന്റെ നിയമനം; ഹൈക്കോടതി വിധിക്കെതിരായ ഹരജി അടിയന്തരമായി ...
19 April 2024 10:37 AM GMTലോക്സഭാ തിരഞ്ഞെടുപ്പ്; ഒന്നാംഘട്ട വോട്ടെടുപ്പ് തുടങ്ങി
19 April 2024 5:48 AM GMTബിജെപിക്ക് വോട്ട് ചെയ്തില്ലെങ്കില് വീട്ടില് ബുള്ഡോസര് എത്തും;...
18 April 2024 5:28 PM GMTവീണ്ടും ഇഡി ; ആം ആദ്മി എംഎല്എ അമാനത്തുള്ള ഖാന് അറസ്റ്റില്
18 April 2024 5:07 PM GMT