ചിത്രകാരി ഫൈറൂസ മക്കയില് മരിച്ചു
മക്ക: മാതാപിതാക്കളോടൊപ്പം ഉംറ നിര്വഹിക്കാനെത്തിയ പ്രശസ്ത ചിത്രകാരി ഫൈറൂസ(32) മക്കയില് മരിച്ചു. ഈ മാസം ഏഴിനു ഉംറ നിര്വഹിക്കാനെത്തിയ ഫൈറൂസക്കു പനി ബാധിച്ചതിനെ തുടര്ന്നു ചൊവ്വാഴ്ച മക്ക അല്നൂര് സ്പെഷ്യാലിറ്റി ആശുപത്രിയില് പ്രവേശിപ്പിച്ചിരുന്നു. ചികില്സക്കിടെ കഴിഞ്ഞ ദിവസമാണ് മരിച്ചത്. മസ്ജിദുല് ഹറമിലെ ജനാസ നമസ്കാരത്തിന് ശേഷം മക്ക അല്ശറായ ഖബര്സ്ഥാനില് മറവു ചെയ്തു. ശാരീരിക വളര്ച്ച കുറവായിരുന്ന ഫൈറൂസ, മാനസിക വെല്ലുവിളി നേരിടുന്നവര്ക്കും ഭിന്നശേഷിക്കാര്ക്കും വലിയ പിന്തുണ നല്കുന്നതില് മുന്പന്തിയിലുണ്ടായിരുന്ന വ്യക്തിയാണ്. ഇത്തരത്തിലുള്ളവരുടെ ഉന്നമനത്തിനും സംരക്ഷണത്തിനുമായി പ്രവര്ത്തിക്കുന്ന നരിക്കുനിയിലെ അത്താണി റിഹാബിലേറ്റഷന് സെന്ററിലെ സന്ദര്ശകയായിരുന്നു ഫൈറൂസ. ഇവിടുത്തെ അന്തേവാസികള്ക്കും മറ്റുള്ള ഭിന്നശേഷിക്കാര്ക്കും വലിയ പിന്തുണയും പ്രോല്സാഹനവും നല്കുന്നതില് മുന്പന്തിയിലായിരുന്നു മികച്ച കലാകാരി കൂടിയായ ഫൈറൂസ. ചിത്രകാരിയായ ഫൈറൂസ, പാഴ്വസ്തുക്കളില്നിന്ന് കരകൗശല വസ്തുക്കള് നിര്മിക്കുന്നതിലും വിദഗ്ദയായിരുന്നു. മടവൂര് സ്വദേശി കല്ലുമുട്ടയില് ഉമ്മര് - ഉമ്മു കുല്സൂം ദമ്പതികളുടെ മകളാണ്.
RELATED STORIES
കാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMTഗസ കൂട്ടക്കുരുതിയെ സഹായിക്കുന്നതിനെതിരെ ഗൂഗിള് ഓഫിസുകളിൽ വൻ സമരം;...
18 April 2024 10:05 AM GMTറിക്രൂട്ടിങ് ലൈസന്സ് ഇല്ലാതെ യുവതിയെ വിദേശത്തേക്ക് ജോലിക്കായി അയച്ച...
18 April 2024 9:57 AM GMTകാസര്കോട്ട് മോക്പോളില് ബിജെപിക്ക് അധികവോട്ട്; പരിശോധനയ്ക്ക്...
18 April 2024 9:30 AM GMTമകളുടെ അപകടമരണം: പോപുലര് ഫ്രണ്ട് മുന് ചെയര്മാന് ഒ എം എ സലാമിന്...
18 April 2024 9:05 AM GMT