അധികാരം ലഭിച്ചാല്‍ അസമില്‍ ഏക സിവില്‍കോഡ് നടപ്പാക്കും: അമിത് ഷാ

ഗോല്‍പാര: അസമില്‍ ബിജെപി വീണ്ടും അധികാരത്തിലെയാല്‍ ഏക സിവില്‍കോഡ്(യുസിസി)നടപ്പാക്കുമെന്ന് കേന്ദ്ര ആഭ്യന്തരമന്ത്രി അമിത് ഷാ. ഏക സിവില്‍കോഡ് നടപ്പാക്കിയാല്‍ പിന്നെ ആര്‍ക്കും നാലുവിവാഹം കഴിക്കാന്‍ സാധിക്കില്ലെന്നും അമിത് ഷാ പറഞ്ഞു. അസമിലെ ഗോല്‍പാര ജില്ലയിലെ ദുധ്‌നോയിലെ ചായ്ഗാവില്‍ തിരഞ്ഞെടുപ്പ് റാലിയിലെ പ്രസംഗത്തിലാണ് അമിത് ഷായുടെ പരാമര്‍ശം.

ബിജെപിക്ക് വീണ്ടും അധികാരം കിട്ടിയാല്‍ നുഴഞ്ഞുകയറ്റക്കാരെ മടക്കിയയച്ച് അസമിനെ അവരില്‍നിന്നു മുക്തമാക്കും. അവരെ പുറത്താക്കാനുള്ള പ്രക്രിയയ്ക്കിടെയാണ് തിരഞ്ഞെടുപ്പ് എത്തിയത്. നിങ്ങള്‍ ഹിമന്തയെ വീണ്ടും മുഖ്യമന്ത്രിയാക്കൂ, നുഴഞ്ഞുകയറ്റക്കാരെ ഓരോരുത്തരെയായി കണ്ടുപിടിച്ച് പുറത്താക്കുമെന്നും അമിത് ഷാ പറഞ്ഞു.