തോള്‍ തിരുമാവളവന്‍ എംപി അബ്ദുന്നാസര്‍ മഅ്ദനിയെ സന്ദര്‍ശിച്ചു

മഅ്ദനി താമസിക്കുന്ന ബംഗളൂരുവിലെ വസതിയിലെത്തിയാണ് എംപി ആരോഗ്യവിവരങ്ങള്‍ ആരാഞ്ഞത്.

തോള്‍ തിരുമാവളവന്‍ എംപി അബ്ദുന്നാസര്‍ മഅ്ദനിയെ സന്ദര്‍ശിച്ചു

ബംഗളൂരു: വിടുതലൈ ചിരുത്തൈ കച്ചി നേതാവും തമിഴ്‌നാട്ടിലെ ചിദംബരം ലോക്‌സഭാ മണ്ഡലത്തെ പ്രതിനിധീകരിക്കുന്ന എംപിയുമായ തോള്‍ തിരുമാവളവന്‍ പിഡിപി ചെയര്‍മാന്‍ അബ്ദുന്നാസര്‍ മഅ്ദനിയെ സന്ദര്‍ശിച്ചു. മഅ്ദനി താമസിക്കുന്ന ബംഗളൂരുവിലെ വസതിയിലെത്തിയാണ് എംപി ആരോഗ്യവിവരങ്ങള്‍ ആരാഞ്ഞത്. രോഗം മൂര്‍ഛിച്ചതിനെ തുടര്‍ന്ന് ആശുപത്രിയില്‍ അഡ്മിറ്റാവുകയും കോടതിയല്‍ ഹാജരാവേണ്ടിവന്നതിനെത്തുടര്‍ന്ന് ചികില്‍സ പൂര്‍ത്തിയാക്കാനാവാതെ മഅ്ദനിക്ക് മടങ്ങേണ്ടിവരികയും ചെയ്തിരുന്നു.

തുടര്‍ന്ന് ആഴ്ചയില്‍ രണ്ടുതവണ വസതിയില്‍നിന്ന് ആശുപത്രിയിലെത്തി ചികില്‍സ തുടര്‍ന്നുകൊണ്ടിരിക്കുകയാണ് ഇപ്പോള്‍ മഅ്ദനി. രോഗങ്ങള്‍ക്കുള്ള ചികില്‍സ പൂര്‍ത്തിയാക്കാതെ തുടര്‍ച്ചയായി കോടതിയില്‍ ഹാജരാവുന്നതുമൂലം ശാരീരിക അസ്വസ്ഥതകള്‍ വര്‍ധിക്കുന്നതിനെ തുടര്‍ന്ന് കോടതി നടപടികളില്‍ പൂര്‍ണമായി പങ്കെടുക്കാനാവാതെ മിക്കദിവസങ്ങളിലും ചികില്‍സയ്ക്ക് വിധേയനാവേണ്ട സാഹചര്യമാണ് മഅ്ദനിക്ക് ഇപ്പോഴുള്ളത്.

RELATED STORIES

Share it
Top