പ്രശസ്ത പഞ്ചാബി യുവഗായകന് ദില്ജാന് കാറപകടത്തില് മരിച്ചു
കര്തര്പൂരിലേക്ക് പോവുന്നതിനിടെ ദില്ജാന് സഞ്ചരിച്ച കാര് റോഡരികില് നിര്ത്തിയിട്ട ട്രക്കിലിടിച്ച് തകരുകയായിരുന്നു. ഉടന്തന്നെ അദ്ദേഹത്തെ അടുത്തുള്ള സ്വകാര്യാശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല.
അമൃത്സര്: പ്രശസ്ത പഞ്ചാബി ഗായകന് ദില്ജാന് (31) കാറപകടത്തില് മരിച്ചു. ചൊവ്വാഴ്ച രാവിലെ അമൃത്സറിന് സമീപം ജന്ഡിയാല ഗുരുപട്ടണത്തിന് സമീപം അമൃത്സര്- ജലന്ധര് ഹൈവേയിലാണ് അപകടമുണ്ടായത്. കര്തര്പൂരിലേക്ക് പോവുന്നതിനിടെ ദില്ജാന് സഞ്ചരിച്ച കാര് റോഡരികില് നിര്ത്തിയിട്ട ട്രക്കിലിടിച്ച് തകരുകയായിരുന്നു. ഉടന്തന്നെ അദ്ദേഹത്തെ അടുത്തുള്ള സ്വകാര്യാശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല.
കാറില് ദില്ജാന് മാത്രമാണുണ്ടായിരുന്നത്. ഹോള മൊഹല്ലയില്നിന്ന് മടങ്ങിയെത്തിയ ചില സിഖ് ഭക്തരാണ് ദില്ജാനെ ആശുപത്രിയിലെത്തിച്ചത്. കര്തര്പൂര് സ്വദേശിയായ ദില്ജാന് പഞ്ചാബിലെ യുവഗായകരില് ശ്രദ്ധേയനായിരുന്നു. 2012ല് ടെലിവിഷന് റിയാലിറ്റിയായ സുര് ക്ഷേത്രയിലെ വിജയിയായിരുന്നു. ഇന്ത്യയിലേയും പാക്കിസ്ഥാനിലേയും ഗായകര് പങ്കെടുത്ത മല്സരമായിരുന്നു ഇത്.
റിയാലിറ്റി ഷോയിലൂടെ ശ്രദ്ധിക്കപ്പെട്ട ദില്ജാന് നിരവധി പഞ്ചാബി സിനിമകള്ക്കു വേണ്ടിയും പാടിയിട്ടുണ്ട്. ദില്ജാന് തന്റെ പുതിയ ഗാനങ്ങള് പുറത്തിറക്കാനുള്ള ഒരുക്കത്തിലായിരുന്നു. 'തേരെ വാര്ജ്, ഹഞ്ജു എന്നീ ഗാനങ്ങള് ഉടന് വരുന്നു. കാത്തിരിക്കുക.. ഗായകന് തന്റെ ഫേസ്ബുക്ക് പേജില് രണ്ടുദിവസം മുമ്പ് കുറിച്ചിരുന്നു. ഭാര്യയും ഒരു മകളുമുണ്ട്. ഇരുവരും കാനഡയിലാണ്. അപകടത്തില് അന്വേഷണം തുടരുന്നതിനാല് കാനഡയില് താമസിക്കുന്ന ദില്ജാന്റെ കുടുംബം നാട്ടിലേക്ക് മടങ്ങുകയാണ്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
