ഇന്ത്യ എല്ലാ മതസ്ഥരുടെതുമാണന്ന് ഹിന്ദുക്കള്‍

ന്യൂഡല്‍ഹി: ഇന്ത്യാ മഹാരാജ്യം എല്ലാ മതസ്ഥര്‍ക്കും അവകാശപ്പെട്ടതാണെന്നു പഠനം. സെന്റര്‍ ഫോര്‍ സ്റ്റഡീസ് ഓഫ് ഡെവലപ്പിങ് സൊസൈറ്റീസ് നടത്തിയ പഠനത്തിലാണ് ഇക്കാര്യം വ്യക്തമായത്.

സാമൂഹിക മാധ്യമങ്ങളില്‍ സജീവമായി ഇടപെടലുകള്‍ നടത്തുന്ന ആളുകളില്‍ നിന്നും അഭിപ്രായം സ്വീകരിച്ചാണ് സെന്റര്‍ ഫോര്‍ സ്റ്റഡീസ് ഓഫ് ഡെവലപ്പിങ് സൊസൈറ്റീസ് പഠനം നടത്തിയത്. ഇന്ത്യാ മഹാരാജ്യം എല്ലാ മതസ്ഥര്‍ക്കും അവകാശപ്പെട്ടതാണെന്നു നാലില്‍ മൂന്ന് ഹിന്ദുക്കളും വിശ്വസിക്കുന്നതായി പഠനം വ്യക്തമാക്കുന്നു.

സാമൂഹിക മാധ്യമങ്ങള്‍ ഉപയോഗിക്കുന്ന 75 ശതമാനം ഹിന്ദുക്കളും അല്ലാത്തവരും വിശ്വസിക്കുന്നത് ഇന്ത്യ എല്ലാ മതങ്ങള്‍ക്കും തുല്യമായുള്ളതാണെന്നാണ്.

ഏപ്രില്‍, മെയ് മാസങ്ങളില്‍ 26 സംസ്ഥാനങ്ങളിലായി 211 പാര്‍ലമെന്റ് മണ്ഡലങ്ങളില്‍ സര്‍വ്വേ നടത്തിയാണ് റിപ്പോര്‍ട്ട് തയ്യാറാക്കിയത്. രാജ്യത്തെ മുസ്‌ലിംകള്‍ ഉയര്‍ന്ന ദേശസ്‌നേഹം പ്രകടിപ്പിക്കുന്നവരാണെന്നു സര്‍വ്വെയില്‍ പങ്കെടുത്തവരില്‍ 28 ശതമാനം ഹിന്ദുക്കളും വ്യക്തമാക്കുന്നുണ്ട്