യെച്ചൂരി അടക്കമുള്ള നേതാക്കള്ക്കെതിരേ കേസെടുക്കാനുള്ള നീക്കം അപലപനീയം: ഇ ടി മുഹമ്മദ് ബഷീര് എംപി
ഡല്ഹി കലാപത്തിന് തുടക്കംകുറിച്ച് പ്രകോപനകരമായ പ്രസംഗം നടത്തിയ ബിജെപി. നേതാവ് കപില് മിശ്ര, കേന്ദ്രമന്ത്രി അനുരാഗ് താക്കൂര് എന്നിവര്ക്കെതിരെ ഒരു നടപടി പോലുമില്ല. പ്രകോപനപരവും വിദ്വേഷപരവുമായ പ്രസംഗങ്ങള് നടത്തിയവരെ മഹത്വത്കരിക്കുകയാണ് ബിജെപി സര്ക്കാര് ചെയ്തുകൊണ്ടിരിക്കുന്നത്.
ന്യൂഡല്ഹി: ഡല്ഹി കലാപവുമായി ബന്ധപ്പെട്ട് ഡല്ഹി പോലിസ് സിപിഎം ദേശീയ ജനറല് സെക്രട്ടറി സീതാറാം യെച്ചൂരി, സ്വരാജ് അഭിയാന് നേതാവ് യോഗേന്ദ്ര യാദവ്, സാമ്പത്തികശാസ്ത്ര വിദഗ്ധ ജയന്തി ഘോഷ്, ഡല്ഹി സര്വകലാശാല പ്രഫസര് അപൂര്വാനന്ദ്, ഡോക്യുമെന്ററി സംവിധായകന് രാഹുല് റോയി എന്നിവരെ ഗൂഢാലോചനാ കുറ്റം ചുമത്തി കുറ്റപത്രത്തില് ഉള്പ്പെടുത്തിയ നടപടി അങ്ങേയറ്റം പ്രതിഷേധാര്ഹമാണെന്ന് മുസ്ലിം ലീഗ് ദേശീയ ഓര്ഗനൈസിങ് സെക്രട്ടറി ഇ ടി മുഹമ്മദ് ബഷീര് എംപി.
ഡല്ഹി കലാപത്തിന് തുടക്കംകുറിച്ച് പ്രകോപനകരമായ പ്രസംഗം നടത്തിയ ബിജെപി. നേതാവ് കപില് മിശ്ര, കേന്ദ്രമന്ത്രി അനുരാഗ് താക്കൂര് എന്നിവര്ക്കെതിരെ ഒരു നടപടി പോലുമില്ല. പ്രകോപനപരവും വിദ്വേഷപരവുമായ പ്രസംഗങ്ങള് നടത്തിയവരെ മഹത്വത്കരിക്കുകയാണ് ബിജെപി സര്ക്കാര് ചെയ്തുകൊണ്ടിരിക്കുന്നത്. ഡല്ഹിയിലെ അസ്വാരസ്യങ്ങളെപ്പറ്റിയും അവിടത്തെ കൊലപാതകങ്ങളെക്കുറിച്ചും കവര്ച്ചയെ സംബന്ധിച്ചും സഭയില് നടന്നിട്ടുള്ള ചര്ച്ചയില് ശക്തമായി ഞങ്ങള് എതിര്ത്തിരുന്നു.
കലാപവുമായി ബന്ധപ്പെട്ട് ആധികാരികമായി ഡല്ഹി മൈനോറിറ്റി കമ്മീഷന് അവിടെ പോയി നടത്തിയ പഠനത്തിലെ കണ്ടെത്തലുകള് ഒരുവട്ടം നോക്കാന് പോലും സര്ക്കാര് തയ്യാറായിട്ടില്ല. കമ്മീഷന് ചെയര്മാന് പറഞ്ഞത് ഡല്ഹിയില് നടന്നത് പൗരത്വ ഭേദഗതി നിയമത്തെ അനുകൂലിക്കുന്നവരും പ്രതികൂലിക്കുന്നവരും തമ്മില് നടന്ന സംഘട്ടനമല്ല, മറിച്ച് ഏകപക്ഷീയമായി നന്നായി പ്ലാന് ചെയ്ത് നടത്തിയതാണ് അതെന്നാണ്.
പല റിപോര്ട്ടുകളും എടുത്തുപരിശോധിച്ചാലും അവിടത്തെ ദൃക്സാക്ഷികളുടെ വിശദീകരണം കേട്ടാലും പോലിസുകാര് പക്ഷപാതപരമായി പെരുമാറിയതും കലാപകാരികളെ സഹായിച്ചതും കല്ലേറില് പോലും നേരിട്ട് പങ്കെടുത്തുവെന്നും മനസ്സിലാക്കാന് സാധിക്കും. മതവിദ്വേഷം ഊതിവീര്പ്പിച്ച് രാജ്യത്ത് അരാജകത്വം സൃഷ്ടിക്കുന്ന ബിജെപി നേതാക്കള്ക്കെതിരേ ഒരു നടപടിയുമില്ല. ഇതേ കാര്യങ്ങളെ സാധൂകരിക്കുന്നതാണ് ഈയിടെയായി പുറത്തുവന്ന ആംനസ്റ്റി ഇന്റര്നാഷനലിന്റെ റിപോര്ട്ടും. ഇത്തരമൊരു സാഹചര്യത്തില് രാജ്യത്തെ രക്ഷിക്കാന് ഫഷിസ്റ്റുകള്ക്കെതിരേ സമാനചിന്താഗതിയുള്ളവര് ഒരുമിച്ച് മുന്നോട്ടുനീങ്ങേണ്ട സമയമാണിതെന്നും ഇ ടി കൂട്ടിച്ചേര്ത്തു.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT