മുന് ഇന്ത്യന് ക്രിക്കറ്റ് താരവും ഉത്തര്പ്രദേശ് മന്ത്രിയുമായ ചേതന് ചൗഹാന് കൊവിഡ്
കൊവിഡ് ലക്ഷണങ്ങളെത്തുടര്ന്ന് വെള്ളിയാഴ്ചയാണ് ചൗഹാന് സ്രവ പരിശോധനയ്ക്കു വിധേയനായത്. ശനിയാഴ്ച രാത്രിയോടെയാണ് കൊവിഡ് സ്ഥിരീകരിച്ച് ഫലം വന്നത്.
ലഖ്നോ: മുന് ഇന്ത്യന് ക്രിക്കറ്റ് താരവും ഉത്തര്പ്രദേശ് മന്ത്രിയുമായ ചേതന് ചൗഹാന് കൊവിഡ് സ്ഥിരീകരിച്ചു. മുന് ക്രിക്കറ്റ് താരങ്ങളായ ആകാശ് ചോപ്രയുടെയും ആര് പി സിങ്ങിന്റെയും ട്വീറ്റിലൂടെയാണ് ചേതന് ചൗഹാന് കൊവിഡ് ബാധിച്ച വിവരം പുറത്തറിയുന്നത്. ചൗഹാന് വേഗം സുഖം പ്രാപിക്കട്ടെയെന്നായിരുന്നു ചോപ്രയുടെയും ആര്പിയുടെയും ട്വീറ്റ്. കൊവിഡ് ലക്ഷണങ്ങളെത്തുടര്ന്ന് വെള്ളിയാഴ്ചയാണ് ചൗഹാന് സ്രവ പരിശോധനയ്ക്കു വിധേയനായത്. ശനിയാഴ്ച രാത്രിയോടെയാണ് കൊവിഡ് സ്ഥിരീകരിച്ച് ഫലം വന്നത്. ലഖ്നോവിലെ സഞ്ജയ് ഗാന്ധി പിജിഐ ആശുപത്രിയിലാണ് ചികില്സയിലുള്ളത്.
ചൗഹാന്റെ കുടുംബാംഗങ്ങളെയും പരിശോധനയ്ക്ക് വിധേയരാക്കിയിട്ടുണ്ട്. കുടുംബാംഗങ്ങള് ഇപ്പോള് ഹോം ക്വാറന്റൈനിലാണ്. ഉത്തര്പ്രദേശ് മന്ത്രിസഭയില് സൈനികക്ഷേമം, ഹോം ഗാര്ഡ്, പിആര്ഡി, സിവില് സെക്യൂരിറ്റി മന്ത്രാലയം എന്നിവയുടെ ചുമതലയാണ് ചൗഹാന് വഹിക്കുന്നത്. പാകിസ്താന് മുന് ക്യാപ്റ്റന് ഷാഹിദ് അഫ്രീദിക്കും മുന് സ്കോട്ട്ലന്ഡ് താരം മജീദ് ഹഖിനും ശേഷം കൊവിഡ് ബാധിക്കുന്ന മൂന്നാമത്തെ മുന് അന്താരാഷ്ട്ര ക്രിക്കറ്റ് താരമാണ് ചൗഹാന്.
RELATED STORIES
ദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMTസ്ഥിരമായി കാട്ടാന ആക്രമണം; നൂറ് കണക്കിന് മരങ്ങളും കൃഷിയും നശിപ്പിച്ചു; ...
28 March 2024 10:14 AM GMTകെജ് രിവാളിന് മുഖ്യമന്ത്രിയായി തുടരാം; നീക്കണമെന്ന ഹരജി ഡല്ഹി...
28 March 2024 9:38 AM GMTയുഎഇയില് മലയാളി ഉടമയുടെ ചതിയില്പ്പെട്ട മുന് സൈനികന് 40 ലക്ഷം...
28 March 2024 9:13 AM GMT