സാമ്പത്തിക പ്രതിസന്ധി; എട്ട് മാസം പ്രായമുള്ള കുഞ്ഞിനെ ബലി കൊടുക്കാന്‍ ശ്രമം

ബെംഗളൂരു: എട്ടുമാസം പ്രായമുള്ള കുഞ്ഞിനെ ബലി കൊടുക്കാന്‍ ശ്രമം. ബെംഗളൂരു ഹോസകോട്ടയിലെ സുളിബലെ ഗ്രാമത്തിലാണ് സംഭവം. ജനത കോളനിയിലെ സെയ്ദ് ഇമ്രാന്റെ വീട്ടിലായിരുന്നു സംഭവം. പൂജ നടക്കുന്നതിനിടെ വീട്ടില്‍ ശിശു സംരക്ഷണ യൂണിറ്റ് റെയ്ഡ് നടത്തി കുഞ്ഞിനെ രക്ഷപ്പെടുത്തി.

സാമ്പത്തിക പ്രതിസന്ധി അകറ്റാന്‍ ആയിരുന്നു കുഞ്ഞിനെ ബലി കൊടുക്കാനുള്ള ശ്രമം നടത്തിയത്. ബലി കൊടുക്കുന്നതിനായി എട്ടുമാസം പ്രായമുള്ള ഒരു കുഞ്ഞിനെ വിലയ്ക്ക് വാങ്ങുകയായിരുന്നു. പൗര്‍ണമി നാളായ ഇന്നലെ ബലി കൊടുക്കാനായിരുന്നു നീക്കം. സമീപവാസികള്‍ ചൈല്‍ഡ് ഹെല്‍പ്പ് ലൈനിനെ വിവരമറിയിച്ചതോടെയാണ് കുട്ടിയെ രക്ഷിക്കാന്‍ ആയത്. ഉദ്യോഗസ്ഥര്‍ എത്തിയപ്പോള്‍ വീട്ടില്‍ ബലിത്തറ അടക്കം സജ്ജമാക്കിയിരുന്നു.