മകന്റെ മുന്നില്വച്ച് പിതാവിനെ അഞ്ചംഗ സംഘം വെടിവച്ചു കൊന്നു
ആക്രമത്തിനു പിന്നില് അയല്വാസിയായ സ്ത്രീയും മക്കളുമാണെന്നു ദൃക്സാക്ഷിയായ ഹക്കീമുദ്ദീന്റെ സഹോദരി പറഞ്ഞു
ന്യൂഡല്ഹി: മകന്റെ കണ്മുന്നില്വച്ച് പിതാവിനെ അഞ്ചംഗ സംഘം വെടിവച്ചു കൊന്നു. ന്യൂഡല്ഹി ട്രാന്സ്പോര്ട്ട് കോര്പറേഷന് ജീവനക്കാരനായ ഹക്കീമുദ്ദീനെയാണ്(40) ബൈക്കിലെത്തിയ സംഘം കൊലപ്പെടുത്തിയത്. ന്യൂഡല്ഹിയിലെ ന്യൂ ഉസ്മാന്പൂരില് കഴിഞ്ഞ ദിവസം രാത്രി 11.45ഓടെയാണ് സംഭവം. സഹോദരിക്കും മകനുമൊപ്പം വീട്ടിലേക്ക് പോവുമ്പോഴാണ് ആക്രമണം. പിതാവിനു നേരെ നിറയൊഴിക്കുന്നതു കണ്ട് ഭയന്നോടിയ കുട്ടി ബന്ധുക്കളെ വിവരം അറിയിക്കുകയായിരുന്നു. സമീപവാസികള് ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. ആക്രമത്തിനു പിന്നില് അയല്വാസിയായ സ്ത്രീയും മക്കളുമാണെന്നു ദൃക്സാക്ഷിയായ ഹക്കീമുദ്ദീന്റെ സഹോദരി പറഞ്ഞു. അയല്വാസിയായ യുവതിയും ഹക്കീമുദ്ദീന്റെ സഹോദരന് ഷെഹ്സാദും തമ്മില് പ്രണയത്തിലായിരുന്നു. ഇതിനെ യുവതിയുടെ വീട്ടുകാര് എതിര്ത്തെങ്കിലും ഇരുവരും വിവാഹം ചെയ്ത് ഹക്കീമുദ്ദീനൊപ്പമാണ് താമസിക്കുന്നത്. ഇതേചൊല്ലിയുള്ള വൈരാഗ്യമാണ് കൊലപാതകത്തിനു പിന്നിലെന്നാണ് പോലിസ് നിഗമനം.
RELATED STORIES
കോണ്ഗ്രസിനെതിരേ 'നികുതി ഭീകരത; ബിജെപിയില്നിന്ന് 4617 കോടി...
29 March 2024 12:14 PM GMTഭാര്യയെ 'ഭൂതം, 'പിശാച്' എന്ന് വിളിക്കുന്നത് ക്രൂരതയല്ല; ഭര്ത്താവിന്റെ ...
29 March 2024 11:55 AM GMTപുൽപ്പള്ളി-മാനന്തവാടി റോഡിൽ കാട്ടാനയുടെ മുന്നില്നിന്ന് കാർ...
29 March 2024 11:07 AM GMTകോവിഡിനെ തുടർന്ന് ജോലി നഷ്ടമായപ്പോൾ മോഷണം തുടങ്ങി; ടെക്കി യുവതി...
29 March 2024 11:06 AM GMTപട്ടാമ്പി-പാലക്കാട് റൂട്ടിലെ റെയിൽവേ ഗേറ്റ് തടസ്സം...
29 March 2024 11:04 AM GMT'തനിക്ക് ചെയ്യാൻ കഴിയുന്നതെല്ലാം ചെയ്യും'; സിദ്ധാര്ത്ഥന്റെ...
29 March 2024 11:02 AM GMT