ബീഹാര്‍ വോട്ടര്‍പട്ടിക പരിഷ്‌കരണം; എതിര്‍പ്പുകള്‍ സമര്‍പ്പിക്കാന്‍ കൂടുതല്‍ സമയം ആവശ്യപ്പെട്ട ഹരജികള്‍ സുപ്രിംകോടതി തിങ്കളാഴ്ച പരിഗണിക്കും

ന്യൂഡല്‍ഹി: ബീഹാര്‍ വോട്ടര്‍പട്ടിക പരിഷ്‌കരണത്തില്‍ എതിര്‍പ്പുകള്‍ സമര്‍പ്പിക്കാന്‍ കൂടുതല്‍ സമയം ആവശ്യപ്പെട്ട് നല്‍കിയ ഹരജികള്‍ തിങ്കളാഴ്ച പരിഗണിക്കും. എതിര്‍പ്പുകളും അവകാശവാദങ്ങളും സമര്‍പ്പിക്കാന്‍ അടുത്തമാസം ഒന്നു വരെ സമയം നല്‍കണമെന്ന് ആവശ്യപ്പെട്ടാണ് ഹരജികള്‍. ഹരജി പരിഗണിക്കുവാനുള്ള സമ്മതം ജസ്റ്റിസ് സൂര്യകാന്ത് അധ്യക്ഷനായ ബെഞ്ച് അറിയിച്ചു. ആര്‍ ജെ ഡി ഉള്‍പ്പെടെയുള്ള രാഷ്ട്രീയപാര്‍ട്ടികള്‍ നല്‍കിയ ഹരജിയാണ് തിങ്കളാഴ്ച പരിഗണിക്കുക. അടിയന്തരമായി പരിഗണിക്കണമെന്ന് ഹരജിക്കാര്‍ ആവശ്യപ്പെട്ടതോടെയാണ് കോടതിയുടെ ഇടപെടല്‍.