വിദ്യാർഥിയെ കണ്ടെത്തി പഠനാവശ്യത്തിനായി ഫോൺ വാങ്ങിച്ചു കൊടുക്കും എസ്ഡിപിഐ

പാലക്കാട്: വിദ്യാർഥിയെ കണ്ടെത്തി പഠനാവശ്യത്തിനായി ഫോൺ വാങ്ങിച്ചു കൊടുക്കുമെന്ന് എസ്ഡിപിഐ ഒറ്റപ്പാലം മണ്ഡലം കമ്മിറ്റി. സഹായമഭ്യർത്ഥിച്ചു വിളിച്ച വിദ്യാർഥിയോട് സിപിഎം എംഎൽഎ മുകേഷ് അപമര്യാദയായി പെരുമാറിയതിനെ തുടർന്നാണ് സംഭവം വിവാദമായിരിക്കുന്നത്.

ഒറ്റപ്പാലത്തു നിന്ന് കൊല്ലത്തേക്ക് വിളിച്ചത് ഒരു വിദ്യാർഥിയാണ്. ആ വിദ്യാർഥിയുടെ അറിവില്ലായ്മ കൊണ്ടാണ് വിളിക്കാൻ ഇട വന്ന വിദ്യാർഥിയോട് താൻ ഒരു ജനപ്രതിനിധിയാണ് എന്ന ബോധത്തോടെ സൗമ്യമായി മറുപടി പറഞ്ഞ് കാര്യങ്ങൾ മനസ്സിലാക്കി കൊടുക്കേണ്ട കൊല്ലം എംഎൽഎ മുകേഷ് തന്നെ വിളിക്കുവാൻ നമ്പർ തന്ന കൂട്ടുകാരൻറെ ചെവിക്കുറ്റിക് അടിക്കണം എന്നാണ് പറഞ്ഞത്. ഈ രീതി അവസാനിപ്പിച്ച് ഇനിയെങ്കിലും വിദ്യാർഥികളോട് മനുഷ്യത്വപരമായി സംസാരിക്കണമെന്നും എസ്ഡിപിഐ ഒറ്റപ്പാലം മണ്ഡലം പ്രസിഡന്റ് ടി എ താഹിർ ആവശ്യപ്പെട്ടു.