മൂന്നാമത് ആണ്ടിപ്പണിക്കർ പുരസ്‌കാരം രമേഷ് കരിന്തലക്കൂട്ടത്തിന്

മാള: പ്രശസ്ത തെയ്യം കലാകാരനായ ആണ്ടിപ്പണിക്കരുടെ സ്മരണാർത്ഥമുള്ള ഫോക്‌ലോർ അവാർഡിന് രമേഷ് കരിന്തലക്കൂട്ടം അർഹനായി. കോഴിക്കോട് ചെറുവണ്ണൂർ മഠത്തിൽമുക്കിൽ പ്രവർത്തിക്കുന്ന യുവത ആർട്സാണ് കഴിഞ്ഞ മൂന്ന് വർഷമായി ആണ്ടിപ്പണിക്കരുടെ പേരിൽ ഫോക് ലോർ അവാർഡ് നൽകിവരുന്നത്.

കോഴിക്കോട് പേരാമ്പ്രയിൽ നടന്ന ചടങ്ങിൽ രമേഷ് കരിന്തലക്കൂട്ടം അവാർഡ് ഏറ്റുവാങ്ങി. സംസ്ഥാന സർക്കാരിൻ്റെ ഫോക് ലോർ അവാർഡ്, അംബേദ്ക്കർ ഫെല്ലോഷിപ്പ് അങ്ങിനെ നിരവധി അംഗീകാരങ്ങൾ നാടൻപാട്ട് കലാകാരനായ രമേഷിനെ തേടിയെത്തിയിട്ടുണ്ട്.

വടമയില്‍ കരിന്തലക്കൂട്ടം എന്ന നാടന്‍ പാട്ട് സംഘത്തിന് രൂപം നല്‍കി നാടന്‍ കലകളെ പൊതുസമൂഹത്തിലേക്ക് ഉയര്‍ത്തിക്കൊണ്ട് വരുന്നതിന് വര്‍ഷങ്ങളായി അക്ഷീണ പ്രയത്നം നടത്തി വരികയാണ് രമേഷ് കരിന്തലക്കൂട്ടവും സഹപ്രവര്‍ത്തകരും.