മലപ്പുറത്ത് 221 പേര്ക്ക് കൂടി കൊവിഡ് സ്ഥിരീകരിച്ചു
വൈറസ് ബാധിതര് ക്രമാതീതമായി വര്ധിക്കുന്ന സാഹചര്യത്തില് ആരോഗ്യ ജാഗ്രത കര്ശനമായി ഉറപ്പാക്കണമെന്നും ജില്ലാ കലക്ടര് അഭ്യര്ത്ഥിച്ചു.
മലപ്പുറം: മലപ്പുറം ജില്ലയില് ഞായറാഴ്ച്ച 221 പേര്ക്ക് കൂടി കൊവിഡ് 19 സ്ഥിരീകരിച്ചതായി ജില്ലാ കലക്ടര് കെ. ഗോപാലകൃഷ്ണന് അറിയിച്ചു. 212 പേര്ക്കാണ് സമ്പര്ക്കത്തിലൂടെ രോഗബാധയുണ്ടായത്. ഇതില് 12 ആരോഗ്യ പ്രവര്ത്തകരുള്പ്പെടെ 26 പേര് ഉറവിടമറിയാതെയും 186 പേര് നേരത്തെ രോഗബാധിതരായവരുമായി നേരിട്ടുള്ള സമ്പര്ക്കത്തിലൂടെയുമാണ് രോഗബാധിതരായത്.
ഇന്ന് രോഗം സ്ഥിരീകരിച്ചവരില് രണ്ട് പേര് ഇതര സംസ്ഥാനങ്ങളില് നിന്നെത്തിയവരും ശേഷിക്കുന്ന ഏഴ് പേര് വിവിധ വിദേശ രാജ്യങ്ങളില് നിന്നെത്തിയവരുമാണ്. വൈറസ് ബാധിതര് ക്രമാതീതമായി വര്ധിക്കുന്ന സാഹചര്യത്തില് ആരോഗ്യ ജാഗ്രത കര്ശനമായി ഉറപ്പാക്കണമെന്നും ആരോഗ്യ പ്രവര്ത്തകരുടെ നിര്ദേശങ്ങള് പൂര്ണ്ണമായും പാലിക്കണമെന്നും ജില്ലാ കലക്ടര് അഭ്യര്ത്ഥിച്ചു. അതിനിടെ ജില്ലയില് 82 പേര് വിദഗ്ധ ചികിത്സക്ക് ശേഷം ഇന്ന് രോഗമുക്തരായി. ഇതുവരെ 2,833 പേരാണ് വിദഗ്ധ ചികിത്സക്ക് ശേഷം രോഗമുക്തരായി വീടുകളിലേക്ക് മടങ്ങിയത്.
നിരീക്ഷണത്തിലുള്ളത് 34,690 പേര്
34,690 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 1,766 പേര് വിവിധ ആശുപത്രികളില് നിരീക്ഷണത്തിലുണ്ട്. മഞ്ചേരി ഗവ. മെഡിക്കല് കോളജ് ആശുപത്രിയില് 417 പേരും തിരൂരങ്ങാടി താലൂക്ക് ആശുപത്രിയില് 13 പേരും തിരൂര് ജില്ലാ ആശുപത്രിയില് രണ്ട് പേരും നിലമ്പൂര് ജില്ലാ ആശുപത്രിയില് ഏഴ് പേരും കാളികാവ് പ്രത്യേക ചികിൽസാ കേന്ദ്രത്തില് 88 പേരും ചുങ്കത്തറ പ്രത്യേക ചികിൽസാ കേന്ദ്രത്തില് 147 പേരും മഞ്ചേരി മുട്ടിപ്പാലം പ്രത്യേക ചികിൽസാ കേന്ദ്രത്തില് 72 പേരും പെരിന്തല്മണ്ണ എം.ഇ.എസ് പ്രത്യേക ചികിൽസാ കേന്ദ്രത്തില് 83, കോട്ടക്കല് ആര്യവൈദ്യ ശാലയിലെ പ്രത്യേക ചികിൽസാ കേന്ദ്രത്തില് 24, കരിപ്പൂര് ഹജ്ജ് ഹൗസില് 210 പേരും കാലിക്കറ്റ് സര്വ്വകലാശാലയിലെ പ്രത്യേക ചികിൽസാ കേന്ദ്രത്തില് 703 പേരുമാണ് ചികിത്സയില് കഴിയുന്നത്. 31,700 പേര് വീടുകളിലും 1,224 പേര് കോവിഡ് കെയര് സെന്ററുകളിലുമായി പ്രത്യേക നിരീക്ഷണത്തിലുണ്ട്.
RELATED STORIES
യുഎഇയില് മലയാളി ഉടമയുടെ ചതിയില്പ്പെട്ട മുന് സൈനികന് 40 ലക്ഷം...
28 March 2024 9:13 AM GMTസിഎഎ യോഗ്യതാ സർട്ടിഫിക്കറ്റ് മതപുരോഹിതർക്ക് നൽകാനാകുമെന്ന് കേന്ദ്ര...
28 March 2024 7:02 AM GMTസിദ്ധാർഥന്റെ മരണം: ജുഡീഷ്യൽ അന്വേഷണത്തിനുള്ള ഗവർണറുടെ തീരുമാനം...
28 March 2024 6:35 AM GMTപയ്യോളിയില് രണ്ട് പെണ്മക്കള് വീടിനുള്ളിലും പിതാവ് ട്രെയിനിടിച്ചും...
28 March 2024 6:35 AM GMTനെല്ലിയാമ്പതിയിൽ ജനവാസ മേഖലയില് പുലി ഇറങ്ങി
28 March 2024 6:34 AM GMTവീണ്ടും കാട്ടാന ആക്രമണം; തേനെടുക്കാന് പോയ സ്ത്രീയെ ചവിട്ടിക്കൊന്നു
28 March 2024 6:28 AM GMT