അതിവർഷം; കുണ്ടൂരിൽ കനത്ത കൃഷിനാശം

മാള: അതിവർഷം മൂലം കുഴൂര്‍ ഗ്രാമപഞ്ചായത്തിലെ കുണ്ടൂരിൽ കനത്ത കൃഷിനാശം. പെട്ടെന്നുണ്ടായ കനത്ത മഴ മൂലം ഏക്കർ കണക്കിന് നെൽകൃഷിയും നേന്ത്ര വാഴകൃഷി, പച്ചക്കറി കൃഷി തുടങ്ങിയവയും വെള്ളത്തിനടിയിലായി. ഇതുമൂലം ലക്ഷകണക്കിന് രൂപയുടെ നഷ്ടമാണ് കർഷകർക്കുണ്ടായിരിക്കുന്നത്.

കൊറോണ കാലത്ത് ധനകാര്യ സ്ഥാപനങ്ങളിൽ നിന്നും മറ്റും ലോൺ എടുത്താണ് കൃഷിയിറക്കിയിരുന്നത്. കർഷകർക്ക് സർക്കാർ അടിയന്തിര ധനസഹായം നൽകണമെന്ന് കുണ്ടുരിൽ ചേർന്ന ഇന്ത്യൻ നാഷണൽ കോൺഗ്രസ് 173 -ആം ബൂത്ത്‌ കമ്മറ്റി യോഗം സർക്കാരിനോട് ആവശ്യപ്പെട്ടു. ഡിസിസിയംഗം എ സി ജോയിയുടെ അധ്യക്ഷതയിൽ കൂടിയ യോഗത്തിൽ വാർഡ് മെമ്പർ റോസ്മി രാജു, എം എ ജോജോ, ബാബു കുറ്റിക്കാടൻ തുടങ്ങിയവർ സംസാരിച്ചു. സെബാസ്റ്റ്യൻ മഞ്ഞളി നന്ദി രേഖപ്പെടുത്തി.