മോട്ടോർ ഷെഡിൽ മരിച്ച നിലയിൽ കണ്ടെത്തി

മാള: പുത്തൻചിറ വെള്ളൂർ നടത്തുരുത്ത് പാടത്തു കൈമാപ്പറമ്പിൽ രാഘവൻ മകൻ മോഹനനെ (67) നടുമുറി ഉണ്ണികൃഷ്ണന്റെ പറമ്പിലെ മോട്ടോർ ഷെഢിൽ നിന്ന് ഇന്നലെ വൈകീട്ട് ഏകദേശം അഞ്ച് മണിയോട് കൂടി മരിച്ച നിലയിൽ കണ്ടെത്തി.

മൃതദേഹത്തിന് മൂന്ന് ദിവസത്തോളം പഴക്കം ഉണ്ടെന്ന് കരുതുന്നു. കുറെ കാലങ്ങളായി മോട്ടോർ ഷെഡിൽ ഒറ്റപ്പെട്ട് താമസിക്കുന്ന ആളാണ് മോഹനൻ. നാല് ദിവസത്തോളം ആയി മോഹനനെ പരിസരത്തൊന്നും കാണാത്തതിനെ തുടർന്ന് നാട്ടുകാർ മോട്ടോർ ഷെഡിൽ പോയി നോക്കിയപ്പോൾ ആണ് മോഹനനെ മരിച്ച നിലയിൽ കാണപ്പെട്ടത്. മാള പോലിസ് സ്ഥലത്തെത്തി തുടർനടപടികൾ സ്വീകരിച്ചു.