സിപിഎം കലാപാന്തരീക്ഷം സൃഷ്ടിക്കുന്നു: എ പി അനിൽ കുമാർ എംഎൽഎ

അരീക്കോട്: സംസ്ഥാനത്ത് കലാപാന്തരീക്ഷം സൃഷ്ടിച്ച് സിപിഎം ഭീതിയുടെ രാഷ്ട്രീയം പരത്തുകയാണെന്ന് എ പി അനിൽകുമാർ എംഎൽഎ പറഞ്ഞു. കിഴിശേരിയിൽ കുഴിമണ്ണ മണ്ഡലം കോൺഗ്രസ് കമ്മിറ്റി സംഘടിപ്പിച്ച കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം.

മണ്ഡലം പ്രസിഡന്റ് പി ടി രാംദാസ് അധ്യക്ഷത വഹിച്ചു. കെപിസിസി ജനറൽ സെക്രട്ടറി ആലിപ്പറ്റ ജമീല, മുൻ ജനറൽ സെക്രട്ടറി ഇ മുഹമ്മദ് കുഞ്ഞി, സെക്രട്ടറി കെ പി നൗഷാദ് അലി , ഡിസിസി ജനറൽ സെക്രട്ടറി അസീസ് ചീരാന്തൊടി, ബ്ലോക്ക് പ്രസിഡന്റ് എം കെ കുഞ്ഞിമുഹമ്മദ്, യു.ഡി.എഫ് നിയോജക മണ്ഡലം ചെയർമാൻ അഡ്വ. കെ കെ അബ്ദുല്ലക്കുട്ടി, യൂത്ത് കോൺഗ്രസ് ജില്ലാ ഭാരവാഹികളായ അഷ്റഫ് കുഴിമണ്ണ , സൈഫുദ്ദീൻ കണ്ണനാരി, എം സി ആമിനക്കുട്ടി, സലാം മുക്കൂടൻ , വി മനീഷ്, എം കെ നിഷാദ്, അഡ്വ. എം കെ പ്രിയേഷ് എന്നിവർ സംസാരിച്ചു. മുൻ സൈനികൻ ഉണ്ണിക്കുട്ടിയെ ചടങ്ങിൽ ആദരിച്ചു.